Briefwisseling van Hugo Grotius. Deel 3

1230. 1628 februari 27. Aan Willem de Groot².

Recte accepi, mi frater, quas 13 hujus ad me dedisti et ut suades recta has nunc Hagam mitto experturus, quae eorum sit futura fortuna. Tu recte feceris, si ut nunc tuas cum affinis³ literis copules.

In portu Rupellae jam prope sexaginta naves aut mersae aut propediem mergendae; quibus obicibus ita obstructos rex aditus et exitus putat, ut sub Pascha deditionem speret, quo ipso tempore altissimorum aestuum suppetias obsessi exspectant, siquid ab Anglis accesserit, id lucro habituri. Vosbergius⁴ adhuc Gessoriaci haeret; quidam ex ejus comitatu antesignani hic ambulant. Commode ei evenit quod rex in urbe aut ad urbem est, incertum quamdiu mansurus. Gaudet enim locorum mutatione, etiam sanitatis tuendae causa.

Imperator⁵ hic movet controversiam de arce Viriduni et aliis quibusdam negotiis. Id Gallos ne excitaturum sit, ut aliorum indidem periclitantium rationem habeant, an perterriturum hoc rerum statu, dum domi est quod agant, in ambiguo habeo. Si Rupellam cito ceperit, prius illud sperari possit. Sin minus, timendum est alterum.

Rogavit me amicus quidam magnus, ut curem sibi adferri Lugduno omnia opera Vossii, maxime Pelagianum⁶ et de Historicis Graecis⁷ et latinis⁸. In eo me adjutes velim, ut primo tempore mari perferantur. Pretium aut de meo numera aut si id malint, qui perferant, hic recepturos sponde, dum quantum sit mini indicetur. Multi rogant Vossium, ut partem quandam Historiae ad Pelagianam causam pertinentis, de praedestinatianis veteribus⁹, quia edere tempora non siverunt, scriptam amicis exhibeat. Diem redituum ad vitam a sorore

2 Gedrukt Epist., p. 804.

3 Nicolaes van Reigersberch.

4 Caspar van Vosbergen.

5 Ferdinand II; vgl. n^o. 1231 in fine.

6 Historiae de Controversiis, quas Pelagius eiusque reliquiae moverunt libri VII, in 1618 verschenen.

7 De historicis Graecis libri quatuor, in 1623 bij le Maire in Leiden verschenen.

8 De historicis latinis libri III, 1627.

9 Vgl. n^o. 1046.

[p. 250]

Blonckia¹ petere oportet. Nos longius absumus et instrumenta non habemus. De Villebonia² iterum rogo. De caeteris fac quod aequum censes et nos expedit. Ratiunculas uxor primo otio parabit.

Narsio³ affirma nihil me unquam ex Suetia vidisse literarum. Ipsius est inquirere per quos miserit tradive jusserit. De meo negotio, siquid quod ad conjecturam magnopere valeat resciscis, rogo scribas. Ego nec nihil credo nec omnia.

Αἱ πίστεις γὰϱ ὁμῶς ϰαὶ ἀπιστίαι ὤχεσαν ἄνδϱας.⁴

Quam placet ἀϱχαιϱεσία Amstelodamensis⁵, tam grave mihi et illud de Bomio⁶. Nunquamne desinet Lupistenum infame esse bonorum vinculis? Velim penitius me doceas, quid sit in Actis Delphicis⁷ quod displiceat Polyandro⁸ ac Festo⁹.

Parentibus optimis et aliis, qui ad nos pertinent, prospera omnia det Deus.

27 Februarii 1628.

Tuus totus.
H. Grotius.

1 Maria's zuster Suzanna Bloncke.

2 Ritmeester bij de Franse troepen in dienst van de Staten.

3 Zie n^o. 1063, p. 34 en n. 1 aldaar.

4 Hesiodos, Ἔϱγα 370.

5 Zie n^o. 1220.

6 Dirk Boom; vgl. n^o. 1233, p. 256.

7 Dit zal wel slaan op de besluiten van de Zuidhollandse synode van 1618 te Delft gehouden; die van 1628 had pas in de zomer van dit jaar plaats.

8 Johannes Polyander a Kerckhoven, hoogleraar in de godgeleerdheid te Leiden.

9 De Leidse predikant Festus Hommius, sedert 1619 regent van het Staten-Collegie.