Briefwisseling van Hugo Grotius. Deel 3

1133. 1627 februari 20. Aan Willem de Groot⁴.

Scripseram ad te jamdudum⁵, mi frater, orare me oratum a Lomeniaco⁶ mihi bene volente et magnae dignitatis viro, ut aliquot ad me transmitteres exempla foederum nostrorum cum Indis. Addideram non dubitare me, quin essent satis multa, quae nullam rebus nostratium fraudem allatura essent. Repetiit ille preces suas et ego meas. Et hac occasione rogo, ut quicquid inter libros aut chartas meas est pertinens ad longinquas navigationes id omne corradas et data occasione mihi transmittas. De Hexabiblo⁷ ab amicis urgeor.

Novi nihil hic magnum. Angli quotidie plurimas Gallorum naves capiunt. Dani legatus⁸ hic quotidianus est pecuniae flagitator, cum interim, ut audio, rex ejus⁹ nec cesset aures praebere pacis conditionibus; neque improbo, dum non adeo sint damnosae quam fuerunt hactenus.

20 Februarii 1627. Vale, mi frater, cum parentibus et res nostras cura ut soles.

Tuus tui amantissimus frater
H. Grotius.

4 Gedrukt Epist., p. 796.

5 Zie n^o. 1020 (II, p. 481).

6 Antoine de Lomenie; zie II, p. 335, n. 2 (zijn zoon, niet hij zelf, was comte de Brienne).

7 De Veritate religionis Christianae; zie n^o. 1088, p. 61 n. 17.

8 Zie n^o. 1125, p. 100 n. 1.

9 Christiaan IV.