Briefwisseling van Hugo Grotius. Deel 3

[p. 59]

1084. 1626 juni 28. Aan P.C. Hooft¹.

Gratulor magni regis² manibus, Hoofdi, vere ingeniorum nostratium princeps, quod tantum scriptorem invenerint. Certe eam monstrasti rerum Galliae peritiam, ut nihil Gallo cuiquam concedas.

Nos interim, quibus contra multa mala bonum unum, otium, fortuna largita est, aliquid moliti sumus, quod tui sit fori. Tua enim laus est tragoedia, cujus scriptores Graecos hic compendio quodam aut fragmentorum aut selectarum sententiarum damus. Accessit similis e comoediis collectio, appendix Stobaeanae nostrae editionis³. Rogo, ut tam benigne hoc excipias, quam meretur consilium hominis quovis modo se contra sua ac patriae adversa erigentis. Ego quantum te colo, tantum abs te amari semper faciam plurimi. Amicos, si quos illic habemus, salutari velim.

Lutetiae, 28 Iunii 1626.

Tuus totus
H. Grotius.

1 Gedrukt Epist., p. 75. Het briefje is een antwoord op n^o. 1069. Grotius zendt Hooft als tegengave een exemplaar van de Excerpta (zie n^o. 1061, n. 15).

2 Hendrik IV van Frankrijk, aan wie Hooft zijn Henrik de Gróte wijdde.

3 Zie II, p. 15 n. 8.