Briefwisseling van Hugo Grotius. Deel 2

1042. 1625 Dec. 18. Aan Joachim Camerarius¹⁰.

Sicut colloquia tua, Camerari doctissime, magnae mihi voluptati fuerunt, ita et literis non modice delectatus sum. Narrantur illustres quaedam apud

10 Gedrukt Epistolae p. 788. Geadresseerde is vermoedelijk Joachim Camerarius (1603-1687), zoon van Ludwig Camerarius (1573-1651) den raad van Frederik V van de Paltz, den z.g. Winterkoning, dien hij naar Den Haag volgde; sedert 1626 raad van Gustaaf Adolf. Joachim trad later ook in Zweedschen diplomatieken dienst.

[p. 506]

Graecos familiae hoc habuisse proprium, ut quasdam haberent velut haereditarias impressas corpori notas. At Camerariorum gens nativa et probitatis et eruditionis suae signa in sermone ac literis praefert. Quare merito mihi gratulor et cum viro clarissimo, parente tuo, meis in patria necessariis amicitiam intercedere, et mihi ipsi tecum aliquid contractum familiaritatis. Illud tantum dolet, quod non ita sunt res meae, ut opere quoque potuerim ostendere, quanti maiores propinquosque tuos teque, et ob ipsorum et ob tuas nihil degenerantis virtutes, faciam. Aliud cum praestare non possim, votis tam egregiam indolem prosequar, ut omni genere bonarum artium instructa in avitas laudes succrescat. Magno tibi eam ad rem usui esse potest hospes¹ non in iure tantum civili, sed et in literis omnibus, quod abunde monstravit, eruditissimus, cui me non alienum esse arbitror, cum fratre eius amicissime utar: gaudebo tamen per te quoque ei innotescere. Rediit ad nos a rure suo Dolotius², cultor familiae vestrae, qui et ipse cum amicis caeteris officiosissime te salutat. Uxor quoque mea pro missa salute gratias agit, tibique ac omnibus caritatibus tuis omnia optima optat. Lutetiae 18 Decembris 1625.

Tuus tibi addictissimus
H. Grotius.

1 Waar en bij wien Camerarius thans vertoeft, blijkt uit den brief niet.

2 Ook in n^o. 942 genoemd.