Briefwisseling van Hugo Grotius. Deel 2

[p. 491]

1031. [1625] Nov. 19. Van J. van Reigersberch¹.

1032. 1625 Nov. 28. Aan Willem de Groot².

Ternis tuis, mi Frater, iis quas ante hos octo dies accepi, iisque quas nunc ego et uxor accepimus, Patris quoque literis una opera respondeo. Famulus³ nondum advenit magno nostro incommodo; neque de esculentis intelleximus quicquam. Te, mi Frater, in foro florere laetus intelligo: et experto crede, multo eam vitam esse beatiorem, quam quae in muneribus publicis transigitur. Heinsiana⁴, Pieriana⁵ et Palamedem⁶ videre aveo. Rutgersio Dyckium⁷ successurum, sed cum plena Legati dignitate, suspicabatur Bannerius⁸. Videbimus quid de Musiana causa⁹ futurum sit. De Anglicano federe¹⁰ siquid propius intellexeris, certiores nos fac; item de inquisitione Rotterodamensi¹¹. Cornelium nostrum aliquid in literis proficere gaudeo. Poterunt illi ex pecunia, quae de exemplaribus Iuris belli et pacis redigetur, libri coëmi ad VIII florenos aut circiter. Rogo cum prioribus literis, has quoque affini Nicolao Reigersbergio tradas, ubi eo venerit. Suecum non puto se immixturum federi. De mulctatione indiscriminata Salvatorianorum¹² tecum sentio. Vossii vicem doleo. Sed si quam ei Wallaeus iniuriam fecerit, nos edocti de eius sententia atque argumentis facile curabimus ne sine responso sit¹³. Siquid ille observavit ad libros nostros de Iure belli ac pacis, de iis edoceri cupiam. Anno enim novo nova procedet editio¹⁴. Interim et Excerpta e Tragoediis et Comoediis Graecis tum quae exstant, tum quae non exstant¹⁵ typographo dedimus. Spero exitura ad mercatum Francofurtensem. Testimonia de vita liberorum mittemus. Existimat uxor in recipienda pecunia nihil mutandum, donec definita sit lis Hogerbetiana. Est hic Arsenius, qui putabat hic se reperturum Legatos Anglicanos, sed ii non comparent. Exspectantur tamen. Rex caeteris civitatibus Protestantium pacem concedit quam nuper dederat; Rupellanorum, qui tum pacem recusaverant, causam separat: eosque videtur undique circumsessurus, paratis ad hoc quindecim millibus militum. Rumor hic est Britannicam classem intrasse in Insulam Gadium, sed ab urbis oppugnatione reiectam. Verrua oppidum ad Padum ab Hispanorum prementium vi liberatum

1 Hs. Bibl. Rem. Gem. Rotterdam. Gedrukt Brieven van Nic. van Reigersberch ed. Rogge p. 774.

2 Gedrukt Epistolae p. 787.

3 Zie p. 462 n. 2.

4 Heinsiana; de lijkrede op Prins Maurits, 19 Sept. 1625 in de Academie te Leiden uitgesproken.

5 Pierii Winsemii Vita, res gestae, et mors Ill. Princ. Mauritii .... Franequerae 1625.

6 Vondel's Palamedes; zie Unger n^o. 112.

7 Over Rutgers en Van Dijck zie I p. 379 n. 1 en p. 522 n. 1.

8 Zie p. 489 n. 3.

9 Zie p. 474 n. 5.

10 Zie p. 483 n. 8.

11 Zie p. 488 n. 4.

12 Zij die schuldig waren aan de overgave van S. Salvador, April 1625.

13 Kan dit zien op verschil van meening in de commissie, die een nieuw reglement op de Triviale scholen moest ontwerpen, en waarin Vossius en Walaeus zitting hadden? Zie J.D. de Lind van Wijngaerden, Antonius Walaeus (1891) p. 78.

14 Zie p. 490 n. 3.

15 Zie p. 489 n. 6.

[p. 492]

est. Rex magis magisque in Hispanum ardescit. Haec erant quae hic habebamus. 28 Novembris 1625.

Saluta meo et uxoris nomine optimos parentes, coniugem quoque tuam et amicos caeteros. Vix haec scripseram cum pro certo nuntiatur ab Anglis derelictam Gadium insulam.

Tui amantissimus Frater
H. Grotius.