Briefwisseling van Hugo Grotius. Deel 2

1030. 1625 Nov. 13. Aan Willem de Groot⁴.

Praecisum nobis videtur, mi Frater, filum commercii literarii per Brabantiam. Restat via maris sive per Caletum, sive Rhotomagum. Rhotomagi Trezelius curam suscepit. Caleti puto tradi posse cursoribus huc ventantibus, sine parario. Rex legationem a nostris⁵ exspectat, et iussit eam in finibus magnifice excipi. Quid facturi sint, videbimus. Multi, si Arsenius venerit, me ad eius colloquium invitant. Dicuntur decem millia militum ire adversus Rupellam. Praeter hos Rex in Gallia, Rhaetis, Italia in armis habet ferme CX millia. Verrua defenditur, sed alia pars agri Pedemontani valde vexatur a Genuatibus. Regina mater perstat in maxima potestate, et in hoc dicitur esse ut Luiniae domus⁶ reliquias evertat, iniuriarum olim acceptarum memor, ut mulier, Itala, Ethrusca, Medicaea. Interim et chartaceum hic bellum fervet, nam Admonitioni ad Regem⁷ scriptae, quam multi a Iesuitis putant procedere, in qua foedera et amicitiae cum haereticis gravissime exagitantur, respondit Gallice mandato Regio Ferrerius⁸, Nemausensis quondam Minister. Respondebit Latine Cancellarii⁹ rogatu Rigaltius¹⁰.

Molestum nobis est tamdiu famulo¹¹ carere. Iamdudum prospexissemus nobis nisi illum a vobis indies venturum putassemus. Etiam uxor de butyro, ut antehac, aurem vellit. Vale cum parentibus et amicis. Lutetiae 13 Novembris 1625.

Rogo librum hunc tradendum Kenenburgio tradas.

Tui amantissimus Frater
H. Grotius.

4 Gedrukt Epistolae p. 787.

5 Het gezantschap van Fr. van Aerssen; zie p. 488 n. 3.

6 Het geslacht van den Connétable de Luines; zie p. 191 n. 13.

7 G.G.R. Theologi ad Ludovicum decimum-tertium Galliae et Navarrae Regem Christianissimum Admonitio; zie Pamflet Knuttel 3578 en de aanteekening aldaar.

8 Le Catholique d'Etat, ou Discours politique des Alliances du Roi Très-Chrétien. 1625 Ferrerius is ‘Jérémie Ferrier, Ministre de Nismes converti, mort en 1626’. Volgens Baillet zou Ferrier pseudoniem van Jean Sirmond zijn.

9 D'Aligre.

10 Apologeticus pro Christianissimo Rege, adversus factiosae G.G.R. Admonitionis calumnias in causa Principum foederatorum. 1626. Zie over deze drie pamfletten J. Le Long, Bibliothèque historique de la France II (1769) n^o. 28641, 28652, 28683.

11 Zie p. 462 n. 2.