Briefwisseling van Hugo Grotius. Deel 2

1000. 1625 Aug. 15. Aan Willem de Groot².

Si opus nostrum de iure belli ac pacis Patri optimo, tibi, et bonis aliquot non improbatur est quod me operae non poeniteat. Exemplarium copiam brevi

2 Gedrukt Epistolae p. 784.

[p. 470]

habebitis. De Apologetico¹ audivi antehac auctoritate publica Antverpiae suppressum tanquam periculosae lectionis. Hogerbetio exiguum epistolium mitto quo libertatem ei gratulor. Ad Rivam Galli nihil promovent: nec magis in Italia quanquam Feria² nuper imprudenter tentata Astae obsidione ante copiarum Cordubentium³ adventum erroris sui poenas dedit, coactus abscedere: sed id exiguum. Cetera Gallorum et ibi male habent amissis quae bello ceperant. Iam Sabaudus de suis servandis certat. Nostri a Subizianis bis cladem acceperunt, quod Rupellensium animos ita accendit, ut vix accepturi videantur pacis conditiones. Verdoesium⁴ meo nomine salutari velim. Scriptura adolescentis⁵ quam mittit pater tolerabilis est. Sed Latina scriptione magis et saepius utimur. Recte igitur faciet si eam addiscat. Cornelii literis et alteris quae aderant occasione data respondebo. De porcellaneis⁶ si opus sit cogitabimus, nunc non est. Vale cum uxore, parentibus, amicis. 15 Augusti 1625.

Tuus tui amantissimus Frater
H. Grotius.

1 Zie p. 76 n. 1.

2 Dom Alvarez de Figueroa, hertog van Feria.

3 Zie p. 459 n. 1.

4 Mr. Jacob van der Does, raadsheer van den Prins.

5 Zie p. 462 n. 2.

6 Zie p. 295 n. 10; p. 471 n. 2.