Briefwisseling van Hugo Grotius. Deel 2

991. 1625 Juli 11. Van Jan de Groot³.

ξὺν ϑεῷ τῷ παντοϰράτορι.

Salve fili cum uxore et liberis omnibusque isthic amicis a nobis nostrisque hic omnibus.

3 Hs. U.B. Leiden, cod. Pap. 2.

[p. 458]

Qui literas hasce ad te delaturus est, viri optimi tibique et nobis benevolentissimi semper Neoportani, qui Schydamensibus etiamnum a secretis mansit, est filius¹. Eum, ut vides, pater mihi tibique commendat, ut, qui tuo hortatu hactenus studiis humanioribus et ultra operam dedit, nunc mores hominum multorum noscat et urbes². Scio et sine mea commendatione tibi commendatissimum fore.

D. Modaeus³ soceri liberandi⁴ cum Traiectensibus in castra ad Principem profectus est. Illi ipsi Traiectenses audent promittere si urbs illi pro custodia detur, se ipsum retenturos. Res religionis eo videtur esse loco, ut in eos qui modeste circa sua se exercitia habent, non severe inquiratur. Si opus tuum de Iure pacis ac belli ad bibliopolas nostros et praecipue Batavo-Lugdunenses mittatur, magno divendi possit. Nos quidem necdum aut habemus aut vidimus. D.O.M. vosque nosque sospitet. Raptim Delphis XI Iulii CIƆDCXXV.

Tuus ut mereris pater
Jan de Groot.

1 Willem Nieupoort, zoon van den secretaris van Schiedam.

2 Toespeling op het begin der Odyssee.

3 Modaeus was de schoonzoon van Hogerbeets; zie p. 236 n. 2.

4 Voeg in ‘causa’.

In dorso schreef Grotius: 11 Iulii 1625. I. de Groot.