Briefwisseling van Hugo Grotius. Deel 2

946. [1625] Febr. 14. Aan Willem de Groot¹.

Pariter accipio, mi Frater, literas quas tu paterque 27 Ianuarii et 4 Februarii dedistis. Pro annotatis ad fragmenta Graeca² et aliis, quae misistis, gratias habeo. Libri mei editio³ duobus iam praelis urgetur, ita ut nonnihil sit spei prodire posse ante Pascha Germanicum, quod toto ferme mense serius est nostro⁴. Alterum librum⁵ in patris epistolis memoratum velim ego ex exemplari bene a mendis purgato alicubi in Germania recudi: nam ibi desiderari a multis moneor. Curandum hoc esset per aliquem eorum qui in Holsatia aut alibi sunt. Ego Francofurti novi neminem. Nostra ad Senecam⁶ exspectabo. Esculenta⁷ in itinere sunt inter Rotomagum et urbem hanc. Petri nostri corpus affectum est gravius quam pater putet: os enim quoddam loco suo excidit, nec video qui restitui possit. Consulemus tamen peritos et siquid spei supersit scribemus. Magni hic viri affirmant certo scire se Bredam captam non iri. Mansfeldius iam mare transiisse dicitur, quod vos iam rectius scitis. Tributa quae nova indicuntur, gravia sunt et utinam tolerari queant sine commerciorum damno. Rogo quantum potes explores ecqua his Consulibus Amstelodami spes sit de negotio Wilhelmi⁸ nostri, cui velim optime consultum.

Ut ad Gallica veniam, Comes stabuli⁹ Taurini est apud Sabaudum; pars copiarum non longe abest Savona, quod oppidum est ditionis Genuensium, belli ut creditur initium futurum. Nam plane illi urbi imminet Allobrox, nec difficilis putatur expugnatio si nostrae copiae maritimae adsint. Marchio Coeuvrius¹⁰ capto castello Bormio, nunc ad alterum, quod Clavenna dicitur, cum exercitu profectus est. Subizius vix evasit, navibus suarum aliquot in portu Blavettano relictis, in quibus quod fuerat militum patibulo addictum est. Corpus Protestantium, et speciatim Ecclesia Carentonensis et Montalbana conatus ipsius ut Regno

1 Gedrukt Epistolae p. 773, doch daar op 1624 gesteld. Dat de brief van 1625 is blijkt o.a. uit de vermelding van het beleg van Breda.

2 Zie p. 410 n. 6.

3 De iure belli ac pacis; p. 254 n. 14.

4 In 1624 viel Paschen O.S. op 28 Maart, N.S. op 7 April en was dus in Duitschland vroeger dan in Frankrijk en Nederland; in 1625 N.S. 30 Maart, O.S. 17 April, dus 18 dagen later.

5 Ik vermoed dat hij het Liber de Antiquitate Reipublicae Batavicae (I p. 131 n. 1) bedoelt. Zie p. 426 n. 8.

6 Zie p. 410 n. 2.

7 Zie p. 422 n. 12.

8 Willem van de Velde; zie p. 421 n. 1.

9 Lesdiguières.

10 De markies de Coeuvres.

[p. 425]

et rebus ipsis Protestantium noxios improbavit voce et scripto¹. Cis paucos dies exibit edictum quo Rex plane affirmabit Protestantibus Religionis exercitium et caetera antehac concessa: Subizio et qui eius sectam sequuntur damnato Maiestatis sub poenis congruentibus, ni intra mensem resipiscat. Rotomagi Ambrosius Iesuita captus est ob consilia inita adversus Regem aut Regnum. Quae hic habebamus haec erant. Si quid scitu dignum posthac acciderit, vos monebo. Patri pro cura meorum gratias summas habeo ut et matri. Saluta eos et Losecatium ὑψισνεμέτην² cum uxore amicosque alios. 14 Februarii 1624.

Tuus tui amantissimus Frater
H. Grotius.

1 Mercure François X p. 858.

2 Gevormd naar analogie van het Homerische epitheton van Zeus: ὑψιβρεμέτης. De beteekenis hier ontgaat mij; heeft Losecaat een positie als rechter gekregen?