Briefwisseling van Hugo Grotius. Deel 2

921. 1624 Sept. 6. Aan Willem de Groot⁵.

Tum pro tuis tuorumque in uxorem meam officiis, tum pro eo quod literis tuis me rerum vestrarum expertem non sinis, habeo gratias quas debeo, frater optime, ac doleo quod fortuna nostra non patitur ut vicem referam. Mutatio quae in Aula accidit nobis nocitura non videtur. Erat enim Marchio⁶ pecuniae iusto tenacior. De Cancellario et Puyssiaeo⁷ non video esse quod quicquam speretur. Spessius⁸ quibus sit usurus amicis scire aveo. De Hogerbetio nuper suaseram ut tentaretur via per Spessium, Carletonum et Rutgersium⁹. De praenotione ex siderum positu multa quotidie insignia audio, sed illud quod tu scribis est sane mirandum. Bene monet pater qualiscumque sit siderum efficacia - quam ego nunquam tantam credam quam quidam volunt - praesidere ei siderum auctorem. De Cornelio tecum sentio et ad uxorem scribo in eam sententiam. Caeterum de loco constituere ego absens et rerum ignarus non possum. Necesse est id vestrae permittam prudentiae. Hic in pecuniae Regiae tractatores¹⁰ severa instituitur inquisitio. Literae his inclusae sunt Puteani¹¹, in quibus insunt aliae ad Heinsium, qui rogatur operam mihi per amicos oblatam, quando ego ea non uti constitui, impendere in liberationem Hogerbetii, si nimirum tantum potest quantum vult videri. Rogo operam des ut literae ad Elsevirios recte et sine sumtu perveniant. Vale cum parentibus nostris et optima tua coniuge aliisque nostris. 6 Septembris 1624.

Tui amantissimus Frater
H. Grotius.

5 Gedrukt Epistolae p. 777.

6 Vieuville; zie p. 335 n. 3.

7 Over Nic. Brulart de Sillery en zijn zoon Pierre Brulart, zie p. 326 n. 3. Grotius antwoordt hier blijkbaar op de vraag, of zij wellicht teruggeroepen zouden worden, nu Vieuville, die hem verwijderd had, op zijn beurt in ongenade gevallen was.

8 D'Espesse; zie p. 334 n. 3.

9 Janus Rutgersius; zie p. 355 n. 10.

10 Vieuville c.s.

11 Pierre du Puy.