Briefwisseling van Hugo Grotius. Deel 2

892. 1624 Maart 29. Aan Willem de Groot².

De ludo literario³ quae scripsisti, Frater charissime, 18 Martii die, satis mihi placent; utinam Petri nostri tale esset corpusculum, ut de animo tantum ipsius excolendo sollicitos nos esse oporteret. Nunc valde nos cruciat debilitatis metus, et cum humana remedia vix quicquam promittant, ad divinam opem precibus confugimus. Legati⁴ e patria nostra dicuntur hodie venturi Compendium, ubi nunc Rex est cum Aulae Primoribus et Regina uxore. Princeps Condaeus adhuc emansor est, quia nec invocatus venire vult, nec Rex adduci potest ut eum vocet. Regina mater ad tempus aliquod Lutetiae substat. Ego de tribus millibus florenis - nam quod excurrebat recisum fuit, ne cogerer a Collegio rationalium approbationem petere - partem alteram accepi in praesente pecunia: alteram assignatis nominibus. Multos et magnos habeo mihi benevolentes. Sed tricae nummariae commune nunc malum est. Arsenius non video ut quid hinc sperandum habeat. De Cimbrico negotio⁵ scripsi antehac aliquid mihi apparuisse: propiore scribam et consilia vestra exposcam ubi conditiones pernovero. Interim cavendum est, ne quid huius a nobis iactetur. Posset enim id Principem satis irritabilem offendere. Quod ad Peronam⁶ acciderat, alii ut tentamentum patientiae accipiunt, alii incredibile putant de industria ab Hispaniae Rege Galliae Regem provocatum: itaque propenso ducum in suas partes studio id malunt adscribere. Rumor aliquis hic fuit Sedanum ire Regem; quod si est, gravem imponet consultationem viduae Bulionii⁷, pari metu excludat Regem sive includat. Mansfeldius non multum hic promoturus videtur. Quae Fisci patronus contra Hogerbetii liberos profert, ad eos pertinent qui fuga poenam eluserunt, non ad eos quos hic poena tenet. Et sane diversa causa est. Notum illud⁸

Exsul ad octavam Marius bibit et fruitur Dis
Iratis: at tu victrix provincia ploras.

In Poppio⁹ magnum detrimentum fecit ista Societas. Nam et pietatis et eruditionis nomine multis antestabat. Doleo et materterae¹⁰ vicem cui ad infelicem

2 Gedrukt Epistolae p. 775.

3 Een school voor de zoons; zie p. 334 n. 7; p. 337 n. 1.

4 Zie p. 350 n. 2.

5 Zie p. 329 n. 3.

6 Zie p. 350 en 353.

7 Elisabeth, gravin van Nassau, dochter van Prins Willem I, die 15 April 1595 gehuwd was met Henri de la Tour d'Auvergne, hertog van Bouillon, weduwnaar van Charlotte de la March, souveraine van Sedan. Haar man was 25 April 1623 overleden.

8 Iuvenalis, Sat. I, 49.

9 De Remonstrantsche predikant Ed. Puppius, die 9 Maart 1624 op Loevestein overleden was.

10 Zie p. 344.

[p. 357]

litis exitum mors eius accessit, qui familiam ducebat. Deus et illam et nos suis solatiis reficiat. Si quos videritis qui Spirae fuerint, velim percunctemini an quilibet ibi ad advocationem aut iurisconsulti officium admittantur; an vero definitus sit numerus Saluta quaeso parentes et amicos, tuam imprimis coniugem a me et mea. Lutetiae 29 Martii 1624.

Tui amantissimus Frater
H. Grotius.