Briefwisseling van Hugo Grotius. Deel 2

848. [1623] Aug. 19. Aan F.A. de Thou³.

Misit ad me heri, Thuane nobilissime, Hottomannus⁴ literas quas rogavit curarem ad Puteanum⁵ nostrum deferendas. Haec res facere me coegit quod saepe facio, tibi ut sim molestus, et quod officium per me praestare non possum id tuo beneficio praestare quaeram. Scripsissem simul ad V.C. Puteanum ac participem fecissem eorum quae apud nos geruntur; sed nihil plane literarum ex patria accepi: quod me male habet, non tam ob publica negotia de quibus ut edocear mea nihil admodum refert, sed quod proximorum valetudo mihi incognita sollicitum me habet. Sed in hac re ut in aliis multis solabitur me bona Dea, quae sola in Pandorae pyxide resedisse memoratur, cum avolassent aliae. Scribit Hottomannus peractum negotium de pactis nuptialibus inter Britannum et Hispanum⁶, ex Britannia imperatum Palatino⁷ ut induciarum pactioni subscribat; Pontificis Romani⁸ electionem tardius procedere quod Galli Cardinales exspectentur. Praeter haec habeo nihil nisi quod tibi, V.A., affini tuo ac sorori omnia fausta apprecor. Silvanecti XIX Augusti CIƆIƆCXXII.

Tuus tibi addictissimus
H. Grotius.

3 Hs. Bibl. Nat. Parijs, fonds Dupuy 583 f. 30. Gedrukt Epistolae p. 68. De brief is van 1623, toen Grotius te Senlis woonde.

4 Jean Hotman de Villiers; zie p. 295 n. 11.

5 Pierre du Puy.

6 Het huwelijk van den Prins van Wales, den lateren Koning Karel I, met de Spaansche Infante, dat ten slotte niet tot stand kwam.

7 De Winterkoning.

8 Maffeo Barberini werd 6 Aug. 1623 tot Paus gekozen en nam den naam Urbanus VIII aan.

Adres: A monsieur Monsieur de Thou à Merli.