Briefwisseling van Hugo Grotius. Deel 2

838. 1623 Juni 16. Aan Willem de Groot⁴.

Iam peractis nuptiis tuis⁵, mi Frater, iterum iterumque meo et coniugis meae nomine tibi et coniugi tuae omnia optamus felicia ac fortunata. Nos hic adhuc rusticamur, securi quid rerum alibi agatur, nisi quod de vestra valetudine quam saepissime certiores fieri optamus. Heri perlatum ad me est epistolium a te quo de Cysio⁶ percunctaris. Doleo Graswinckelium nostrum in perscribendo tam ingrato rumore adeo festinum fuisse. Scitote bene nobis compertum nihil esse eius rei. Alioqui si quid fuisset non defuturi fueramus officio in popularem. Nos hic quid de Legatione in Galliam⁷ eventurum sit, scire avemus. Ego absoluto Stobaeo, quem ad vos iam pervenisse spero, do operam commentationi de Iure belli⁸, sed lente satis procedo, id primum curans ut valeam et quam suavissime vivam. Amicos Lugdunenses recte valere spero. Velim intelligere quid de annotationibus nostris facturus sit Erpennius⁹. Daetselarius¹⁰ hic nondum est, nec quicquam de eo iamdudum nisi per vos intelleximus. Parentes caeterique ut valeant scire percupio, iisque ac tibi et tuae me et meam quantum possum commendo. 16 Iunii 1623. Balagniaci.

Literas Sylvanectum tibi destinandas scito ad Nicolaum de Bonvillers, Pharmacopolam, cuius memoriam iugiter servato. Apothecarii omissio cur literis nonnullis careamus in causa est. Vale.

Tuus tui amantissmus Frater
H. Grotius.

4 Gedrukt Epistolae p. 771.

5 Zie p. 289 n. 3.

6 Hij wordt ook in n^o. 842 genoemd.

7 Zie p. 271 n. 1.

8 Zie p. 254 n. 14; p. 285 n 8.

9 Zie p. 27 n. 1; p 295 n. 7.

10 Daetselaer bezocht in Juli De Groot. Prot. van. Notaris Kemp te Gorinchem N^o. 3974 d.d. 16 Oct. 1623: Verklaring van Adriaan Daetselaer Mathijsz. en Mathijs van Veen Cornelisz. dat in Juli van dat jaar Mr. Hugo de Groot in leven was, aangezien zij hem op dien tijd te Balagni in Frankrijk gezien en gesproken hebben. Zie p. 300 n. 3.