Briefwisseling van Hugo Grotius. Deel 2

824. 1623 Maart 31. Aan Jan de Groot².

Scripsi hodie ad fratrem³ per tabellarium, nunc tibi per Borelii filium qui has literas aut perferet, aut ex Zelandia mittet. Novarum rerum nihil addo: sed mitto quae in carcere eram commentatus in postremam Matthaei partem⁴, auctiora quam descripta hactenus fuerant. Legite vos et iudicate. Legat et optimus Vossius. Deinde excerpat in suos usus quae volet Erpennius, cui pro libris quos nuper transmisit praeter tot vetera beneficia plurimum debeo. An notae ita ut a me factae sunt aut totae aut particulis aliquibus resectis edi cum fructu possint vestrum et Vossii iudicium esto. Illud vobis commendasse supervacuum sit, curam ut geratis ne chartae istae pereant. Nam exemplar unum quod Bossizio⁵ dederam antehac ad me non rediit. Stobaei⁶ propediem proditurus est cum Plutarchi et Basilii libellis de usu recto Graecorum poëtarum. Iam ubi animo ero defaecatiore ad iuris opus aliquod accingar, ac primum ut puto de iure belli⁷. Vale cum matre, fratre, sorore, et amicis: et hoc rerum statu saepe ad nos scribite. Prid. Cal. Aprilis 1623.

Tibi obedientissimus filius
H. Grotius.

2 Gedrukt Epistolae p. 769.

3 N^o. 823.

4 Zie p. 27 n. 1.

5 J. de Thumery de Boisise; zie I p. 618.

6 Hier is een woord als ‘liber’ uitgevallen. In 1623 verscheen bij Nic. Buon, die later Grotius' de Iure Belli ac Pacis zou uitgeven: Dicta poetarum quae apud Io. Stobaeum exstant. Emendata et Latino carmine reddita ab Hugone Grotio. Accesserunt Plutarchi et Basilii Magni de usu Graecorum poetarum libelli. Het boek is opgedragen aan den Kanselier, Nicolas Brulart de Sillery; de opdracht is gedateerd 2 Mei 1623. In de Prolegomena spreekt Grotius over zijn letterkundige studiën, in de Haagsche gevangenis, op Loevestein en daarna te Parijs. Rogge 392. Zie verder p. 15 n. 4.

7 Zie p. 254 n. 14.