Briefwisseling van Hugo Grotius. Deel 2

[p. 106]

665. 1621 Juli 17. Van G.M. Lingelsheim¹.

S.P. Uti mihi iucundissimum fuit cognoscere evasisse te custodiam, ita iam longe gratissimum ex suavissimis literis tuis cognoscere salvum te in Galliam pervenisse, et ibi fautores amicos habere. Praeterea magno me gaudio perfuderunt literae tuae, quod illud ipsum asseverant, quod semper iudicavi, et servasse te sinceram fidem in Deum, et in tractatione reipublicae temporibus turbulentissimis rectum clavum tenuisse, quamvis factione contraria oppressus fueris. Recte quoque factum, quod calumniam de deprecatione culpae publice refutasti². Ostendi tua amicis, qui innocentiae tuae favent, et tibi felicissima comprecantur. Placet eximie, quod studiis tuis quietem quaeris, unde redundabunt fructus in publicum et ad posteritatem, donec te Deus rursum adhibeat patriae iuvandae.

Nostrae res propemodum deploratae, adeo deserti sumus ab omnibus. Cogitur noster³ a soceri sui⁴ consiliis pendere, qui pacem ante omnia cupit; et spes est Baronem Digbeium⁵, apud Caesarem legatum a Britanno, non frustra laboraturum. Neque Caesari omnia pro voto fluunt; Buquoeus⁶ exercitus dux caesus ad Oinarum ab Hungaris, dum pabulatoribus suis suppletias ferre vult, desertis a suis quos mille equites Valonicos adduxerat. Vix reperiet Caesar, quem tanto muneri parem sufficere possit. Etiam Mansfeldius⁷, qui copias habet in Superiori Palatinatu in finibus Bohemiae 4. et 6. Iulii non parvam stragem dedit hostibus ductore Baurio famoso caeso, et bona parte exercitus profligata. Deus pacem nobis reddat, ac te servet incolumem bono reipublicae et literarum. De me exspecta omnia, quae a sincero et fido amico praestanda. Ioachimus⁸ senex praestantissimus ad suos reversus est, desiderium sui nobis relinquens. Gruterus⁹ turbas has vitans secessit Brettam ad generum suum¹⁰, donec alma pax oriatur rursus. Vale praestantissime virorum. Heidelberga. 17 Iul. 1621.

T. addictiss.
G.M. Lingelshemius.

1 Hs. U.B. Amsterdam, cod. R 31^b. Gedrukt Epistolae ecclesiasticae p. 660; Reifferscheid Quellen I p. 115. Beantwoord door n^o. 686.

2 Stuytinghe; zie p. 75 n. 6.

3 De Paltsgraaf; zie p. 75 n. 1.

4 De Koning van Engeland, Jacobus I; zie aldaar.

5 John Digby, first earl of Bristol (1580-1654).

6 Charles de Longueval, comte de Bucquoi.

7 Graaf Ernst van Mansfelt, de bekende aanvoerder uit den 30-jarigen oorlog.

8 Welke Joachim gemeend is, weet ook Reifferscheid niet. Men denkt allereerst aan Camerarius.

9 De phililoog Janus Gruterus, in deel I herhaaldelijk genoemd.

10 Oswald Smend in Bretten.

San Catharinius¹¹ mihi intimus de te et studio tuo in me litteras ad me dederat, sed eae haeserunt nescio ubi, ut tuae literae illius indicium anteverterint.

11 Etienne de Sainte Cathérine, de Fransche gezant in de Palts.

Adres: A monsieur Monsieur Grotius à Paris.