Briefwisseling van Hugo Grotius. Deel 1

385. 1614 Dec. 9. Aan J. Hotman de Villiers¹.

Vir Amplissime.

Commentationes tuas Licestrensium temporum, rerumque aliarum quae nostram Rempublicam spectant², avide, imo impatienter desidero. Flagitarem importunius, nisi impudentiae proximum crederem beneficium postulare, pro quo parem gratiam referre te unquam posse desperes. Sed solatur me tua aequitas qua iudice gratiam iam retulit qui beneficium agnovit. Si ita tibi videbitur, poterunt istae chartae commodissime transmitti cum fasciculo literarum quas huc solet destinare Gen. Dom. Langeracensis³. Viri summi et extra comparationis aleam positi Thuani tempora inanibus literis interpellare non audeo. Quare ni grave est salutem cum omni officiorum genere ipsi a me tua voce deferri percupiam. Resalutat te Mylius, et amicitiam tuam plurimi facit. Eandem ego in magna felicitatis meae parte pono. IX Decembris CIƆIƆCXIV. Hagae.

Tuae dignitatis observantissimus
Hugo Grotius.

1 Afschrift Bibl. Nat. Parijs, fonds Dupuy 16 f. 93. Gedrukt Epistolae p. 16; Hotomannorum Epistolae p. 398.

2 Zie p. 348 n. 4.

3 De gezant te Parijs, Gideon van den Boetzelaer; zie p. 295 n. 5.

Adres: A. Monsr. de Villiers Hotman.