Briefwisseling van Hugo Grotius. Deel 1

367. [1614 einde Aug.]. Aan G.J. Vossius¹.

Gratias tibi ago maximas quod mea causa tantum tibi temporis perire voluisti: et quae annotasti perplacent. Scribit modo ad me Ioannes Arnoldi mutasse se consilium de itinere Francofurtensi. Itaque diligenter a se pergi in responsione ad Bogermanni partem alteram². Rogat autem ut in paucos dies uti sibi liceat scripto quo Semipelagianismi historiam complexus es³. Ego quod nuper coeperam conscribere de Iure Magistratuum⁴ detexui, sed admodum subitario labore. Desiderantur aliquot loci Augustini quos legisse me memini. Eos autem facilius sim reperturus beneficio Locorum Communium. Si diebus aliquot eo libello potes carere sine tui utilissimi operis intertrimento, velim mittas Rotterodamum, uxor Hagam perferendum curabit. Ego autem confestim faciam ad te redeat. Vale Vir doctissime et gnaviter da operam illustrandae Veritati, nec deterrere ullis incommodis. Res ipsa tanti est: et Deus viam inveniet. Scribebam die Solis.

Tui amantissimus
H. Grotius.

1 Gedrukt Epistolae p. 14. Voor dateering zie bij n^o. 366; voor den inhoud bij n^o. 363. In Augustus 1614 waren de 24^e en de 31^e een Zondag.

2 Dit tweede gedeelte verscheen in 1616. Rogge, Bibliotheek van Remonstr. Geschriften p. 113. Zie p. 335 n. 3.

3 Zie p. 335 n^o. 2.

4 Het tractaat ‘de Imperio summarum potestatum circa sacra’, dat bij Grotius' leven ongedrukt bleef en eerst in 1647 uitkwam (Rogge 132 vv.). In de brieven van 1616 en 1617 wordt het herhaaldelijk genoemd.