Briefwisseling van Hugo Grotius. Deel 1

[p. 266]

289. 1613 Oct. 8. Van P. Bertius¹.

Amplissime vir.

Iam ad finem properat labor, quam Ill. DD. Ordinum Pietati impendisti, tuus, sicut ex iis quae a Corvino nostro mittuntur facile intelliges: reliqua hac septimana absolventur. De titulo et iis quae titulum sequentur folio primo vide an haec tibi ratio probetur. Pagina 1 titulus. Versa, pars fragmenti ex Demetrio. Pag. 2 reliquum illius fragmenti. Versa, tralacio Latina. Pag. 3 testimonium Petri de Ferrariis. Versa, alterum Petri Martyris. Pag. 4 testimonium Bilsoni². Si ista ita placent, non erit molestum verbo significare. Sed de Anglia percussit me nescio quo autore incertus rumor D. Winwodum ex legato iam factum Secretarium Regis³. Illud etiam amplius, adfuturas propediem litteras Regias, quibus ea quae superioribus litteris⁴ ad Ordines Hollandiae scripsit, ita interpretaturus sit, ut non habeant ii, qui per libellum supplicem ab Ill. Ordinibus impunitatem opinandi de quinque illis decantatis articulis obtinuerunt, quod novitiis suis erroribus - ut dicitur - pretexant. Narravit haec mihi Paulus Stochius⁵, quum forte me in typographia offendisset. Quaeso te, siquid habes aut de his rebus, aut si quid suspicaris de hoc omni negotio, me facias certiorem.

Amplissime Vir, Dom. Iesus te nobis ac Reip. incolumen esse velit. Dat. Lugd. Bat. VIII Octob. A^o. 1613.

Tuus P. Bertius.

1 Hs. Kon. Bibl. Den Haag, cod. 121 D 1. Beantwoord door n. 291. Over de Ordinum Pietas.

2 De verdeeling van het z.g. voorwerk is iets anders geworden.

3 Winwood verliet Sept. 1613 Den Haag en werd 29 Maart 1614 Secretary of State.

4 De brief van 6 Maart 1613; zie p. 231 n. 6.

5 Een Paulus Stochius, Nicolai f. is 3 Nov. 1582 als litt. stud. te Leiden ingeschreven; vermoedelijk een zoon van Nicolaas Stochius, van 1576 tot zijn dood in 1593 rector der Latijnsche school te Leiden (Knappert in Leidsch Jaarboekje 1905 p. 19).

Adres: Amplissimo viro D. Hugoni Grotio Advocato fisci Batavici, et Syndico Reip. Rotterdamensis. Rotterdam.