Briefwisseling van Hugo Grotius. Deel 1

238. 1612 Juni 2. Van D. Baudius⁵.

Ex quo a nobis discessisti profectus sum Amstelrodamum rogatu * impulsus quae me vehementer obtestata est per literas, ut si mihi cara esset ipsius fama et existimatio, nuptias inter se et * maturandas curarem. Ultro quidem ivit nuptum non adhibitis in consilium auspicibus, sed tamen nihil desideratur ad summam legitimi coniugii praeter solennes ritus. Ipse enim eam iactanter agnoscit pro uxore, sed pater negat se habere quod det. Nisi res nimis palam esset, et nisi parvulus aula Luderet Aeneas⁶, auctor ei essem ut in pristino stato maneret.

5 Gedrukt Baudii Epistolae p. 447; Baudii Amores p. 82. De brief is door de raadselen, waarin Baudius spreekt, niet overal duidelijk, en de uitgever heeft het nog moeilijker gemaakt door twee namen door * te vervangen (Zie voor een soortgelijk geval p. 48 n. 2; 104 n. 3).

6 Virgilius, Aen. IV, 328.

[p. 209]

Est enim iuvenis nulla virtute redemptus a vitiis, qui nulla alia spe solari potest aegram animi, quam exspectatione foecundae et opimae esuritionis qua non fiunt pingues in Erethria boves. Sed ut ad ea quae propiora rebus meis sunt veniam, a tuo discessu nec patrem τῆς ἀσόϕου Σοϕίας allocutus sum, nec me conveniendum curavit Mercurii mater¹, nisi quod audio eam adhuc pascere ebriosas, futiles et furiosas spes de matrimonio.

sed prius Appulis

Iungentur capreae lupis².

Quid mihi auctor es ut faciam? Exspectem litis eventum? hoc spissum est amanti, cuius animo nihil satis festinatur. Quanquam hisce nugis iam longum valedixi, saltem inducias pepigi. Cuperem ad me mitti per hunc ipsum nuncium formulam transactionis, quam ipse concepisti. Spero me effecturum iniecto metu maioris malitatis, ut cupide subsignet, et voluntariam condemnationem subeat. Hoc nisi fundamentum praestruatur, non sinit ϑυμὸς ἀγήνωρ ut viam affectem ad meam Divam, quae non intelligit sua bona. nec ideo tamen demovebor ab amandi proposito, quamdiu spes aliqua supererit expugnandi ferreum istud pectus. Sed nunc sero sapiunt Phryges³, et pertaesum est occupatissimae inertiae, quae me per aliquot menses mihi surripuit. ποιεῖν τι δεῖ οἷς γόνυ χλωρόν⁴. Vale vir eximie cum lectissima coniuge et familia. Datum Lugduni Batavor. II Iunii CIƆIƆCXII.

1 Maia. Zie ook p. 213 n. 11. Dit is m.i. de moeder van het andere meisje.

2 Horatius, Od. I, 33, 7.

3 Festus 510.

4 Theocritus XIV, 70.