Briefwisseling van Hugo Grotius. Deel 1

[p. 200]

228. 1612 Febr. 27. Van Is. Casaubonus¹.

Literis tuis quas paulo ante acceperam, respondi affatim, praestantissime Groti, ante paucos dies². Significavi tibi quanta cum animi voluptate Serenissimus Rex tuam illam prudentissime ϰαὶ εὐσεβέστατα scriptam epistolam legerit. Sciebam non aliud Regis futurum de iis quae scribebas iudicium. Itaque ad eius Maiestatem tuas statim misi: quas, si meas accepisti, fuisse ipsi gratissimas non ignoras. Non repeto nunc caetera quae nuper³ scripsi. tantum te rogabo, ut quas istis adieci cures deferendas. Scripsi iam semel ad Bertium⁴ et etiam Vorstium⁵, quae iussus fueram scribere. Faxit Deus, ut pio fine tota illa controversia terminetur. Ad clarissimum Heinsium nunc non potui, et debet ille quaternis mearum responsionem. miror unde hoc illius silentium. πάρος γε μὲν οὐϰ ἐϑάμιζεν⁶. utinam ipse valeat. Deus te servet, vir magne. Amabo te, τὰς πρὸς τὸν Λύδιον⁷ curato. Vale. Londini XIV. Kal. Mart. stylo Anglico. CIƆIƆCXII.

1 Gedrukt Casauboni Epistolae p. 450.

2 N^o. 226.

3 N^o. 223.

4 Casauboni Epp. p. 432.

5 Ib. p. 447.

6 Homerus, Il. Σ 386.

7 Aan Johannes Lydius, Casauboni Epp. p. 450. Lydius was 1601 predikant te Aarlanderveen geworden, in 1602 te Oudewater, waar hij 1643 overleed. Hij gaf 1613 Nic. de Clemangis' Opera uit. Zie n^o. 240.