Briefwisseling van Hugo Grotius. Deel 1

177. 1609 Oct. 28. Van Jan Gruter⁴.

S.P. Vir praestantissime. Libens vidi Dominum Dubletium⁵, cui et tua et sua caussa faciam omnia quae haec mea mediocritas potest. ea tamen vereor ut minora sint, quam ut ullus ipsi in eis aut fructus aut voluptas. Nam quae tu, non liberali tantum sed prodiga manu, spargis, hand ausim agnoscere: adeo nihil eius in me reperio; nedum culmen illud laudum. Literas tractamus tantum, ut animum avocemus a memoria tot malorum⁶ quibus quotidie adhuc largiter immergimur. itaque si nihil in eis ingenii, nihil industriae, quid mirum? Vitam nobis durare adhuc in tantis calamitatibus mirum est. Et sic tamen sursum aliquando respicere audemus ad vestras Musas; verum ita, ut earum fulgorem non feramus, nisi oculis clausis. Interim multum certe debeo incomparabili huic naturae tuae bonitati, per quam ego ille semper funestus effodior e feralibus meis tenebris, et putor esse aliquid. O referant Divi! quoniam non possumus ipsi. Hoc in multis miseriis, erat mihi non exili levamento, quod subinde honorabar solantibus sermonibus Scaligeri, Dousae, Lipsii, Clusii⁷. Iis denatis, solus mihi relictus videor: adeo reliquus populus amicorum, nihil est nisi populus. Vos solum aliquot iuniores eminetis adfectu plus quam devoto. ideoque vix reperio verba quibus; singularem illam prothumiam prosequar. interea tacita intra pectus istud veneratione observo et adoro. De te loquor, mi Domine, et Meursio, et Heinsio, triga incomparabili; quam officiosissime admodum saluto. Nescio an

4 Hs. U.B. Amsterdam, cod. I 87. Antwoord op n^o. 168.

5 Zie p. 147 n. 3.

6 Zie p. 96 n. 1.

7 De Leidsche professor botanices Charles de l'Ecluse (1524-1609).

[p. 155]

adhuc in vivis agant isthic domini fratres Rosendalii¹, dominus Hogerbetius, dominus Cromholtius². Multi enim sunt anni quod nihil de eis intellexerim, ab eo scilicet tempore quo Lingelshemius a vobis ad nos rediit sine eorum literis. Si vivunt adhuc, si feliciter agunt, pars aliqua rerum mearum non ita male habet. Eos meis verbis, aut potius tuis, a Musis ad gratias factis, uti quam officiosissime salutetis rogo. Eorum quotidie memini, tum ore tum pectore, sed hoc magis, cum scilicet animo meo recogito, quam maxima pars amicitiae huius recentioris, nihil habeant in se amici, et potius accedant ad partem inimicitiae; unde etiam fit, ut iam biennium vix quatuor homines allocutus fuerim, domi perpetuo incarceratus, in qua Bellerophontisne, an Timonis³ vitam renovo, admodum infeliciter. Domino Meursio indices licet, salva esse quae apud me Her(o)nis belopoiica. tantum igitur restare, uti a Commelinianis⁴ eruat Athenaeum; de quo oblitus sum ipsos interrogate in nundinis. Inclusas per occasionem transmittas constantissimo amicorum domino Cantero⁵ vehementer rogo. Vale et salve virorum et amicorum eximie, ab eo qui aeternum ero

Famae tuae gloriaeque devotissimus
I. Gruterus, qui haec praecipitabam
Heidelbergae 18 Octobris Iuliani 1609.

1 De broeders Amelis en Jacob van Rosendael, uit Gouda afkomstig. Amelis (1557-1620) schepen te Gouda, sinds 1601 raadsheer in het Hof van Holland; Jacob (1559-1629) bekend advocaat in den Haag.

2 Dr. Nicolaes Cromhout (1561-1611), raadsheer en later president van het Hof van Holland. Hij was bevriend met Grotius, van wien hij kinderen ten doop heeft gehouden. Later een der 24 rechters. Hij is een der eerste bedijkers van de Beemster (Elias, Vroedschap van Amsterdam I p. 17).

3 Bellerophon (de legendarische halfgod) en Timon (bekend uit Lucianus), twee menschenhaters.

4 Uitgevers-firma te Heidelberg en te Amsterdam. Zie Moes-Burger, Amsterdamsche Boekdrukkers IV, 153 vv.

5 Dirk. Canter, een tijdlang burgemeester van Utrecht, bekend philoloog.

Adres: Clarissimo praestantissimoque viro Domino Hugeiano Grotio Advocato fisco etc. Hagae Comitis.