Briefwisseling van Hugo Grotius. Deel 1

85. 1606 Oct. 4. Aan D. Heinsius².

Vir Clarissime.

Plurimum tibi debeo per quem mihi adducto et tristi esse non licet. Nam absque te foret vitam agerem plane ἄμουσον ϰαὶ ἀγροδίαιτον³. nunc et fori taedium et ingenii mei frigus festivissimae tuae literae detergunt. Nam quis non rideat cum tam lepide depingis illum⁴, qui sane intelligere debuerat, in Batavis neminem parem sibi fuisse: peregre se non habere idem gratiae? Quod si magistrum se neget, et ego eum non mentiri liquido iurabo, nam discipulos non habet. Quod autem ita agit, ut herifugae famuli solent, seque pro libero gerit, et ut ita dicam, sui plagium facit, id hercule sciri dominorum interest.

Carmina⁵, ut voluisti, tibi mitto. Cupio enim, ut alias scripsi, ita te implicare, ne tibi integrum sit non laudare ista quibus et oculos et manus commodaveris. Melius autem me scis, quibus ista debeantur. hoc est nec ita ineruditis ut intelligere non possint, nec ita severis ut nequeant ignoscere. De Paraphraste Homeri⁶ iam mandatum a Curatoribus Merulae datum est: quem quidem librum ego simulatque emtus fuerit inspicere gestio. Delectant me enim mirifice τὰ περὶ ἠϑῶν. Nec minus tamen ardeo et Maximum tuum et Alcinoum⁷ legere: quibus dum tu obstetricaris, interim desiderium Epigrammate Graeco, eruditissimae (ita me Musae iuvent) simplicitatis solabor. Τῷ ἥρωι⁸ commendatum me velim et illi⁹, quem proprio rabies armavit iambo¹⁰. Vale meum dulce decus. IV Oct. CIƆIƆCVI.

Tui reverentissimus
H. Grotius.

2 Hs. U.B. Leiden, cod. B.P.G. 77. Gedrukt Burman, Sylloge II p. 400.

3 Aulus Gellius, N.A.I, 5.

4 Volgens een aanteekening in dorso, is Meursius bedoeld.

5 Vermoedelijk eenige exemplaren van het Epithalamium; zie n^o. 84 aan het einde.

6 Grotius heeft zich hier verschreven, en in plaats van ‘Homeri’ bedoeld ‘Aristotelis’ (zooals Burman dan ook drukt) blijkens het volgende τὰ περὶ ἠϑῶν. In 1607 gaf Heinsius uit: Ethicorum Nicomachorum Paraphrasis.... ex bibl. Lugd. Bat. nunc primum edita’. Hier is blijkbaar een editie van den commentaar van Eustratius e.a. bedoeld, welke de bibliothecaris Merula op last van Curatoren moest koopen.

7 In 1607 verscheen ook: Maximi Tyrii Dissertationes XL. Graece et Latine cum emend. D. Heinsii. Alcinoi in doctrinam Platonis introductio. Lugd. Bat. J. Patius.

8 Scaliger.

9 Baudius.

10 Horatius, A.P. 79, Zie ook n^o. 105.

De pecunia, quae typographo¹¹ restat, scire aveo.

11 Zie n^o. 82 en 87.

Adres: A Monsr. Monsr. Heinsius.