Briefwisseling van Hugo Grotius. Deel 1

78. 1606 Sept. 8. Aan Joh. Meursius⁵.

Ioanni Meursio Hugo Grotius S.P.

Binas iam a te accepi literas, amicissime Meursi, bino mihi nomine suavissimas, nam et indicia ea habeo memoriae mei, et felicis status rerum vestrarum. Prioribus

5 Hs. U.B. Leipzig, cod. 0335 f. 213. Gedrukt Meursii Opera XI p. 148.

[p. 67]

iamdudum respondissem, sed aliquamdiu me morbus, deinde morbi levandi causa suscepta peregrinatiuncula, detinuit. Nunc ad me et Musas redii: quas quidem tibi faventes video; ut quae te ab ipso delitiarum regno suas ad sedes repulerint¹: ubi tam foecunda optimorum copia, et quod libris praestantius, hominum literatorum opima seges: ubi optimus Freherus, ubi Gruterus noster²: et illi privatim mihi cogniti, Lingelshemius, Garnandique pater et filius³; quibus me omnibus commendari ita velim si id grave tibi futurum non est. Etiam discipulis, si videtur, tuis, de quibus magnam proficientis ingenii spem parentes ex literis concepere. Ego nunc ludo in Epithalamio Principis Arausionensium⁴: quod ubi editum fuerit, tibi transmittam. tantilla sunt, quae exspectari a nobis possunt.

Reddere victimas

Aedemque votivam memento;
Nos humilem feriemus agnam⁵.

Glossarium tuum⁶ molliter apud me cubat. pro quo te sollicitum esse non miror. amas enim et merito. sed memineris non tantum parentibus liberos, sed et tutoribus pupillos cordi curaeque esse. Sis igitur ea fiducia securus. meorum quidem nihil est quod tam anxie custodiam. Vale quam iucundissime, et nostri amorem semper tuere. VI. Eid. Sept. CIƆIƆCVI. Hagae Comit.

1 Meursius was met zijn leerlingen, de twee zoons van Oldenbarnevelt, thans in Heidelberg, waar zij 29 Aug. 1606 ingeschreven zijn. Zie p. 58 n. 9.

2 Marq. Freher en Janus Gruter.

3 Zie p. 35 n. 2; en p. 47 n. 6.

4 Het Epithalamium Philippi Guilielmi Nassavii, Principis Arausionensium, et Helionorae Borboniae, gedrukt Poemata p. 107. Een afzonderlijke uitgave van het gedicht, waarover in n^o. 79 en 80 sprake is, is mij niet bekend. Het huwelijk werd 23 Nov. 1606 voltrokken.

5 Horatius, Od. II, 17, 30-32.

6 Het handschrift van Meursius' Glossarium Graeco-barbarum, dat 1610 uitkwam.

Adres: A Monsr. Monsr. Meursius A Heidelbergh.