Briefwisseling van Hugo Grotius. Deel 1

5. 1598 Jan. 8. Van Joh. Is. Pontanus⁸.

Album nostrum, Groti, memoriae nota cohonestare abiturienti⁹ promiseras; sed nescio qua subita vel inopina profectione mea id omissum. Et tamen utcunque ceciderit, animo hoc meo notatam eam abstuli mecum, non calamo aut colore

8 Hs. Bibl. Roy. Brussel. Gedrukt. Brieven van en aan Joh. Is. Pontanus door P. N. van Doorninck en P. C. Molhuysen (1909) p. 2, waar in de voorrede p. V iets over P.'s album amicorum.

9 Pontanus was 19 Maart 1597 als Joannes Isaaci, Danus, 25 jaar oud, student in de Medicijnen, te Leiden ingeschreven.

[p. 5]

ullo ascititio, sed Genii tui puro signo. Ait bene Romanus sapiens¹, In pectore amicus non in atrio quaeritur.

Loco hoc Capellae²: Nec igne usserit, nec lympha subluerit, nec animae simulachrum Syri cuiusdam dogmate verberarit, quod Christum tangi, et opinari fere ita Musigeten³ nostrum dicebas, valde dispiciundum. Ecce quod sequitur non longe⁴ Sed mirabatur illa obsequentium multitudo, quae, sicut Syrus quidam astruit in numero duorum millium fuerat constituta etc. de eodem intelligi neutiquam posse, vides, sed de Pythagora potius aut sectae talis homine. Nam ille de intervallis siderum et harmonia caelesti disputavit ut scimus ex Plinio⁵, et alii annotarunt. Sed Pythagoras, inquies, Syrus non fuit. Fuit quidem ille non Syrus sed Samius, at sectae eius auctor et statutor Pherecydes, nonne Syrus? Vide quae de eo in Floridis Lucius⁶; et tamen de re tota delibero ego, et maxime de loco priore. Nescio quid in mentem venit de Cybelis institutis, dum illa recogito apud Florum⁷: Syrus quidam nomine Eunus fanatico furore simulato dum Syriae deae comas iactat etc. Super opinione de Christo scio aliquid, et video, sed quasi per nebulam. Ego idcirco ampliabo. Tu in critico hoc saltu pergito

ab hirsuto iaculum torquere Capella⁸.

Sed quando politum aut reformatum⁹ videbimus, quaeso sciamus? Non me latet, quid tibi debemus. Vale Draecsholmio 8 Ianu. CIƆIƆXCVIII.

T. Ioh. Isacius Pontanus.

1 Seneca, de Benef. VI, 34.

2 Mart. Capella II, 142.

3 Scaliger.

4 Mart. Capella II, 172.

5 Plin., Nat. Hist. II, 19-20.

6 Apuleius, Florida 15.

7 Florus, Epit. III, 19.

8 Iuvenalis, Sat. V, 155.

9 De Martianus Capella kwam 1599 uit (Rogge 374).

Adres: Eximiae indolis et spei adolescenti Hugeiano Grotio suo, in Academia Lugdunensi Batavorum.