Adamus exul

Chorvs.

Asclepiadei.

EVphrates Capoten nate sub ultimum
Montana Armeniae qui peragrans loca
Tauro nubifero laberis obvius,
Qui vires reparans Cappadoce in solo,
Primùm flumineo victus ab impetu,
Praceps occiduas quà ruis in plagas
Invitum pluvios diripit ad Notos,
Ripis non alibi nobilioribus
Inclusum poteras volvere gurgitem,
Quàm quà delicijs sacra perennibus
Heden quadruplici lambitur abveo,
Tellus pinguis ubi, glebáque densior
Amnis temperie diluitur tui.
Mundi illic opifex dextera fertile
Ornavit varijs arboribus nemus.

[p. 38]

 

Pendent de gravidis poma parentibus,

 

Et ficus virides, prunáque mitia,

 

Et cum Crustuminis castaneae piris.

 

Nux illic bifido tecta putamine

 

Ineumbit solijs, junctaq́ue amijgdalis

 

Insultant rubidis mespila frondibus.

 

Sunt mites cerasi, fragáque moráque

 

Ambo purpureis tincta coloribus.

 

Horti sed medij quà regio patet

 

Binas Omnipotens condidit arbores:

 

Vitam haec perpetuam denotat, altera

 

Praesignat duplicem planta scientiam:

 

Quam carpi vetuit, ne meritam trahat

 

Mortem culpa gravis: nam dolor, & labor,

 

Cum curis miseris, & senium grave,

 

Ac mors, ac aliud, si quid erit mali,

 

Contingi vetito cortice delitent.

 

Adamus platani suppositus comae,

 

Et vinctus viridi tempora laureâ,

 

Nudus cum tenerâ conjuge, cum libet

 

Ripis Assyrij fluminis assidens,

 

Sacro dulcisoni carminis alite

 

Divinae celebrat mira potentie.

 

Auditis volucres cantibus advolant:

 

Certant dulce sequi carmen aëdones:

 

Euphrates tacito murmure consonat,

 

Quotquot sunt fluvijs sorte beatior.

 

Non illum superat Nilus in aequora

[p. 39]

 

Qui septemgemino funditur ostio,

 

Exundante Pharum gurgite quirigat:

 

Non telo citior currere missili

 

Tigris contiguo proximus alveo.

 

Non qui per calidam labitur Indiam

 

Ganges aurifero flumine nobilis.

 

At vos ô homines, (si benè pergitis

 

Felices nimium!) parcite, parcite

 

Iussum legiferi spernere Numinis,

 

Nec fructus vetitâ carpite ab arbore

 

Omnis matre mali. Magna rebellibus

 

Semper poena comes. Cernite Tartari

 

Clausos sollicito carcere Daemonas

 

Depulsos patrij finibus aetheris.

 

Si sunt grata Dei munera, si timor

 

Non dêest in Dominum, non amor in patrem,

 

AEternum dabitur vivere; sic genus

 

Vestrum perpetuâ sorte beabitur:

 

Sic & cum geminis pacta parentibus

 

Contingent similes federa posteros:

 

Transcurret Domini gratia perpete

 

Haeredum serie, nec minor est Dei

 

Prospectura pijs cura minoribus.