[1584]
78.
M. de Châtillon à l'Électeur de Cologne (ms.) Encouragements.
Monseigneur. Je m'estime fort heureux et remercie Dieu de la grâce qu'il m'a faicte de m'estre trouvé icy tout à propos, pour y voir Monsr Banois, vostre ambassadeur, lequel a esté fort bien receu du Roy de Navarre, avec tout ce que vous luy avez commandé de luy dire, comme j'espère que les effects de sa négotiation vous feront croyre certainement. Tous les gens de bien out grande occasion de louer Dieu de la grâce qu'Il vous a faicte de vous mettre au chemin que vous estes; il ne reste que de continuer aussy couraigement ce que vous avez très-bien commencé, et ne fault doubter que vous ne soyés secourru de Celuy à qui vous servés et de tous Ses serviteurs, au rang desquels puisque j'ay cest honneur d'estre, je ne craindray de asseurer vostre Excellence de mon service très-humble, et vous puis tesmoigner avec vérité que jamays ma volonté ne donnera de repos à mon âme, que premier je ne vous aye faict ung bon service, dont pour m'en acquiter je ne laisseray une seule heure du jour passer, sans que je songe à disposer selon mon petit pouvoir les choses, en sorte que vous me voyés plus tost près de vostre Excellence, pour y
Auteursrechtvrij