Archives ou correspondance inédite de la maison d'Orange-Nassau (première série). Supplément

56.
Le Duc Jean-Casimir au Prince d'Orange (ms.). Sur le mariage du Prince.

*_** Voyez T.V. p. 227.

Monsieur. J'ay receu celle que m'avez escript, me remerciant de Dordrecht au mois passé de vostre mariage; surquoy je ne veux obmettre de vous rescrire ce mot, qu'il n'estoit pas besoin de m'en remercier si grandement. Bien est vray, quand je suis venu à Cassel, depuis que Madamoiselle de Bourbon ma cousine estoit desjà parti vers vous de Heydelberg, y ay trouvé le S^r Berlips, lequel, comme aussi Messieurs les Langraves mes cousins et Madame ma consorte², venante allors de Monseigneur mon beau-père³ de Arrenberge⁴, en parloient fort diversement. Mais j'ay respondu pour vous ce que j'avois ouui estre voz motives en ce faict-là, ne peuvant toutesfois rien gaigner allors, ce que le temps par avanture

2 mon épouse.

3 l'Électeur de Saxe.

4 Arnstat (?).

[p. 176*]

⁺pourra faire, et le tout tourner en meillieure part, ce qu'est prins asteur en si mauvaise. Le principal qu'on ha tousjours pressé, est que vous auriez faict le premier bresche au mariage précédent; secondement, quand, par qui et devant lesquelz le divorce légitimement soit faict. Ce que ma sincère affection envers vous ne m'ha permis de céler, affin que j'en sache, oultre ce que [tenant]¹, que respondre, vous estant au reste très-affectionné amy. Lautern, ce 5 de sept. l'an 1575.

Vostre bien bon affectionné cousin et frère,

Casimir Pfaltzgraf.

A Monsieur mon cousin, Monsieur le Prince d'Orange.

+ 1575.

1 devant (?).