Archives ou correspondance inédite de la maison d'Orange-Nassau (première série). Supplément

[1575]

55.
Louise de Bourbon-Montpensier au Prince d'Orange (ms.). Recommandation en ses bonnes grâces.

*_** Cette soeur de la Princesse d'Orange étoit Abbesse de Jouarre.

Monsieur. Je ne vous puis dire combien j'estime l'honneur et faveur que j'ay receue de vous, m'ayant faict démonstration par la lettre qui1 vous a pleu m'escripre de me vouloir recongnoistre pour ce que j'ay l'honneur de vous estre maintenant: aussy vous suppliray je très-humblement de croyre que pour ma part j'estime, comme je doibz, la faveur qui¹ vous a pleu de faire en nostre maison, d'y avoir prins allience par le mariage de ma soeur avec vous, la réputant très-heureuse d'avoir esté voullue d'un Prince si vertueulx et sage comme en avez la réputation, et me ferés cest honneur de croyre que je

1 qu'il.

[p. 175*]

⁺me tiendroys bien heureuse et contente, cy j'avois l'honneur de recevoir de voz commendement, affin que puissiés juger par l'exécution combien je désire tenir lieu en voz bonnes grâces, aulxquelles je présente mes très-humbles recommendations, et supplie nostre Seigneur vous donner, Monsieur, en très-bonne santé, très-longue et très-heureuse vie. A Juerre¹, ce 21 aoust 1575.

Vostre plus humble et obéissante seur à vous faire service,

Loyse de Bourbon.

A Monsieur, Monsieur le Prince d'Orenge.

+ 1575.

1 Jouarre.