Archives ou correspondance inédite de la maison d'Orange-Nassau (première série). Supplément

[p. 154*]

49.
⁺Le Comte Louis de Nassau au Prince d'Orange († ms.). Sur la route que le Comte devra tenir avec ses troupes.

*_** Cette Lettre parvint à sa destination; voyez T. IV. 364.

Monseigneur. Vous ne sçauriez croire le grand contentement que toute la compaignie a eu d'entendre toutes les particularitez de voz affaires par Dathenus et ce d'aultant plus qu'il nous a rendu certains du bruict, qui avoit desjà courru, que l'ennemy s'estoit retiré de la Haye en Hollande. D'Athenus est party pour Francfort où il trouvera mon frère, le Conte Jean, lequel est allé pour entendre la charge du Sieur Frégouse, lequel nous a mandé par ung homme exprès de point vouloir passer la Meuse, avant l'avoir ouy, pour ce qu'il portoit chose grandement à l'avantaige de voz affaires; ce que luy avons accordé, toutesfois avecq grande difficulté, comme en avons faict samblant; car aussi bien nous fault-il attendre les Franchoys, lesquelz nous font grand tort de demeurer si longuement. Nous avons envoyé deux gentilzhommes pour les faire haster, de façon que j'espère qu'en aurons nouvelles de leur venue d'heure à aultre. Ilz nous ont escript qu'ilz s'assamblent, qu'on n'attend plus que la compaignie couronnelle, [qui l'areste]¹ estoit toutau moins de deux mille. Quant à nos reystres, avons traité avecq eulx pour vouloir continuer encor ung mois leur reuterdienst, mais ilz n'ont pas voulu, alléguans que jamais a esté ouy que reystres ayent faict ce qu'ilz ont faict ung mois et demy; comme il fault en vérité que je confesse. J'en² treuve pas aussy que puis estre vostre service de le³ continuer plus longtemps

+ 1574.

1 que la (le) reste (?).

2 Je ne.

3 les.

[p. 155*]

⁺au dict reuterdienst, veu que on en¹ peult tirer l'obéissance requise: par ainsi avons esté constrainctz de traicter zur bestallung, à sçavoir qu'ils seront obligez de servir deux mois et auront ung demy mois, et responderont les Estatz de Hollande et Zeelande pour les aultres deux mois, assavoir qu'ilz le payeront la reste du premier mois avant la fin d'iceluy, et seront obligez de le mectre sur terre de l'Empire, et là où ilz auront à faire plus longuement de leur service, que les reystres seront obligez de leur servir, bien entendu que alors on le passera ung mois entier pour leur estime que ilz se contenteront de cela: pour aultant sera requis que nous ayons quelque obligation de vous et des dits Estatz: la somme pour parpayer² le premier mois ne sçauroit monter plus-hault de quinze mille florins d'Allemaigne; par ainsi j'espère que les Estatz ne feront aulcune difficulté en cela.

Nous sommes bien résoluz, suyvant vostre advis, de passer tout droict vers S^te Geertruydenbergh; comme nous avions bien le moyen à cest heure, si les Franchoys estoyent auprès de nous, à cause que la Meuse s'en vat guéable; mais, comme le temps est variable et plus en ceste saison qu'en ung aultre, fauldrat adviser quel chemyn nous debvrions tenir pour vous joindre, si la Meuse nous voulut pas permettre de passer. Et me samble à moy, à correction toutesfois, que vous pourriez faire les préparations sur S^te Geertruydenbergh et Bommel, pour ce que les deux lieux sont propres pour l'ung ou l'aultre endroict; car j'estyme que ceulx qui sont à Bommel pourront joindre ceulx de S^te Geertruydenbergh tousjours en un jour et aussi au contraire, si nous passons la Meuse icy en hault;

+ 1574.

1 n'en (?).

2 achever le payement (Lat. persolvere).

[p. 156*]

⁺nous avions discouru avecq Dathénus pour sçavoir si n'aviez le moien de mectre voz forces ou une bonne partie d'icelles dedans Eyndhoven, ce qui donnera grand alarme aux ennemis et renderoit nostre passaige tant plus aisé, veu que de la Meuse [à hors]¹ nous pourrions rataindre² quasi le dict Eyndhoven, en faisant une bonne traicte, ou, si vous sçavez quelque aultre lieu plus propre encoires, que ce ne fust que ung grand villaige, lequel on pourroit retrancher pour un jour ou deulx. Quant du costel de Nyeuméghen, en cas que nous fussions constrainctz de prendre ce chemyn là, me samble que vous pourriez faire passer voz forces deçà le Bommeler Weertt et les faire retrancher; car l'ennemy ne se mectra jamais entre les deux forces. Je vous supplie que nous puissions avoir bientost de voz nouvelles; sur ce feray la fin, priant le Tout-Puissant de vous donner, Mons^r, la santé et bonne vie longue. Ce faict au camp de [Cartilz], le 4 jour d'apvril l'an 1574.

+ 1574.

1 alors (?).

2 atteindre.