† Lettre CMXCIX.
Ga naar margenoot+Le Sr de St. Aldegonde aux Députés ses Collégues. Etat de la négociation (Arch. du Roy., fr. 2).
Messieurs et confrères! Je ne doubte que le temps vous samble long, aussy faict-il à moy extrêmement, et la craincte que j'ay de Cambray, me tue Cependant je vous asseure que Monsieur faict toutes diligences possibles. Hier est icy arrivé le Roy de Navarre; il est très-affectionné à la paix et brusle pour aller à la guerre aux PaysBas. C'est une chose estrange de veoir les affections si grandes et si généralles à ce faict-là: je ne doubte pas que ce ne soit le bon Dieu qui les conduise. Il n'y a qu'une difficulté, c'est que les Députez des Eglises, et notamment de Languedoc, ne sont encoires arrivez; mais, non obstant cela, nous pensons passer oultre et rompre tous dilays, car tous y sont très-affectionnez. Nous attendons de jour à aultre Messrs de Villeroy et de Belliévre, à la venue desquels j'espère que l'on résouldra quelque chose de bon, et incontinent son Alteze se partira en toute diligence pour les affaires principales. Toutes les nouvelles que nous avons du Roy, sont fort bonnes, j'espère que Dieu achèvera Son oeuvre... Escript à Courtras, le 25me d'octobre 1580.
Vostre collégue et meilleur amy à vous faire service,
Ph. de Marnix.
A Messieurs les Ambassadeurs des Pays-Bas vers Monseigneur frère unicque du Roy résidentz à Tours.
Auteursrechtvrij