Archives ou correspondance inédite de la maison d'Orange-Nassau (première série). Tome VI 1577-1579
(1839)–G. Groen van Prinsterer–
Auteursrechtvrij† Lettre DCCCXCVIII.
| |
[pagina 658]
| |
Ga naar margenoot+sed addidit etiam suo et collegarum nomine Areschotus sperare se eandem probatum iri provinciis:’ Str. II. 124. C'est du moins ce qu'ils disent implicitement: ‘invenimus articulos propius ad mentem et intentionem Ordinum accedere...; sed Celss. et Dign. v. non ignorant, etiamsi nos iis contenti esse velimus,... esse multos alios quibus non minus illi quam nobis... probati esse debent:’ Acta, p. 145. Toutefois d'après une Lettre du Prince, du 5 août (voyez ci-après), il sembleroit que le Duc d'Aerschot, dans sa réponse aux Commissaires et dans la Lettre aux Etats-Gén., n'avoit pas exprimé la pensée de ses collégues Protestants. Messieurs,..... les Princes-Electeurs et Commissaires-impériaulx avant-hier au matin nous ont proposé et exhibé les poincts et articles joinctz à ceste, en beaucoup d'endroictz changez et modérez, comme ils disoient; aussy nous ont-ilz remonstré les grans travaulx, peines, et despens par eulx prins pour venir en ceste ville, ayans desjà esté plus de 4 mois hors de leurs maisons, pour le grand désir qu'ilz ont de faire ceste paix tant nécessaire, et comme nous nous estions submis à l'Empereur, comme médiateur, à la mesme forme comme le Roy s'estoit submis et que le Duc de Terra-Nova, Commissaire du Roy, estoit content d'attendre encoires icy, soustenoient que nous ne pouvons refuser d'y demourerGa naar voetnoot(1) aussy en vertu de la dite submission, ce que aussy ilz nous ont bien sérieusement requis, affin de point partir re infecta, ce pendant qu'ilz advertiroient sa dite Maté impériale de toute ceste négotiation; surquoy avons respondu que vous envoierions leur susdites articles, pour y sur ce attendre vostre bon plaisir, ensemble aussi sur | |
[pagina 659]
| |
Ga naar margenoot+nostre ultérieure demeure en ceste ville. Partant il vous plaira, Messieurs, visiter ces articles et les conférer tant avec les premières que avec nostre instruction et aultres pièces, et signament considérer qu'il en y a plusieurs conformes à nostre instruction, et mesmes que par cest escript est absolutement approuvée et acceptée la Pacification de Gandt, l'Union et l'Edict perpétuel en tous leurs poincts et articles, et accordé que personne ne sera molesté ou inquiété à l'occasion des placcarts, lesquels demeureront suspenduz jusques à ce que cum consilio Ordinum aultrement sera ordonné; item que l'authorité du Roy sera limitée et restraincte aux termes du droict divin et humain, des priviléges, usances, et coustumes du pays, ensemble de la Pacification de Gandt, Union, Edict perpétuel, et de ce traicté, et quelques aultres changemens que trouverés en iceulx articles, avec asseurance de la sortie de tous les estrangiers hors de tous les Pays-Bas; qui sont tous poinctz principaulx. D'aultre costé fault bien considérer et examiner le 9, 12, 13, 14, 16, 17, 19e, et quelques aultres articles, poinct du tout accordans à vostre intention, ensemble la dénégation de l'exercice de la religion au dehors de Hollande et Zélande, tous de fort grand poix et importance, et les bien balancer ensamble: parquoy, combien que le tout n'est point conforme à vostre désir, toutesfois vous prions, Messieurs, meurement peser et examiner s'il ne vauldroit point mieulx de s'accommoder au plus près à ces offres que de continuer ceste guerre tant calamiteuse, cruelle, et hazardieuse, veu la nécessité du temps, les maulx indicibles que amène la guerre, la séparation et aliénation de plusieurs villes, provinces, et personnaiges, faulte de deniers, chiefs, | |
[pagina 660]
| |
Ga naar margenoot+munitions, et d'aultres moiens, ruyne et dévastation de plusieurs quartiers principaulx, et le peu d'ordre et accord qu'il y a à l'estat présent, y joinct que les dits Srs Commissaires impériaulx ont opinion que le Roy faict et offre par les dits articles tout ce que en raison ses subjectz peuvent demander, et plus qu'on pourroit prétendre en vertu de la religions-fried d'Allemaigne. Si la paix se rompt ceste fois, il n'y a apparence de jamais y parvenir; car le Roy tentera tout son extrême pour nous faire la guerre à tout oultrance; ce pendant apparemment ne cesseront, ains s'accroisteront les aliénations, aigreurs, et diffidences entre ceulx des deux religions, en plusieurs lieux jà bien ouvertement manifestées. Combien, Messieurs, que par vostre prudence pouvés bien considérer tout ce que dessus, toutesfois n'avons peu obmectre de le ramentevoir, meuz de bon zèle et estimans estre partie de nostre debvoir de, conjoinctement avec relation de ce qu'a esté icy faict et résolu, présenter les considérations qu'on doibt avoir sur ce que par delà pour le moindre mal se doibt résouldre. Les dits considérations et la susdite réquisition des dits Srs Commissaires-impériaulx pour demourer encoires icy, nous ont donné occasion de les requérir de rechef nous vouloir obtenir trefvesGa naar voetnoot(1) et abstinence de guerre pour deux mois, pendant lesquelz l'on pourroit vuider, liquider, et accommoder tous les poinctz | |
[pagina 661]
| |
Ga naar margenoot+estans encores en différent, suivant l'escript que leur avons à ceste fin présenté allant quant à cestes; à quoy les dits Srs Commissaires impériaulx nous ont donné bon espoir et promis faire tous bons debvoirs et offices vers le Duc de Terra-Nova. Il vous plaira, Messieurs, adviser sur le tout, et bien peser et balancer ce qui sert pour le plus grand bien et asseurance du pays, et nous advertir, au plustôt et sans délay, vostre bonne résolution... Et comme ce faict est de telle importance, duquel dépend la ruyne ou salvation du pays, il nous semble bon et nécessaire qu'en faictes l'advertence à toutes les provinces particulières ausquelz le faict de faict touche, pour sur le tout avoir leur advis et résolution, et au plus brieff.... De Couloigne, ce 20me de juillet 1579. Vos bien affectionnez à vous faire service, vos Députés estans à Couloigne, Par ordonn. des dits Srs Députés, J. de Keessel. A Messieurs les Estats-Généraulx du Pays-Bas, assemblez en Anvers. |
|