Archives ou correspondance inédite de la maison d'Orange-Nassau (première série). Tome VI 1577-1579

* Lettre DCCCLXVIII.
Le Prince d'Orange à M^r des Pruneaulx. Départ du Duc d'Anjou (MS. P. A. n^o 8780).

Monsieur! D'aultant que j'avoi dernièrement à Dendremonde déclaré mon advis à M^r de Marquis⁽²⁾ touchant de donner quelque contentement à son Altèze et depuis ai

(2) Marquis de Havré, probablement; du moins on le députoit souvent vers le Duc d'Anjou.

[p. 528]

⁺faict le mesme à M^r de Medkerke et encores escrit à M^rs du Conseil d'Estat, j'attendoi de jour en jour la résolution de M^rs les Estats. Mais hyer je fus grandement esbahi, recebvant lettres de son Altèze par lesquelles il me faisoit cest honneur de m'advertir qu'il estoitrésolu de retirer aujourdhuy ses garnisons de¹ et aultres places et de partir demain, de quoi j'ai esté grandement esmerveille, comme de chose advenue entièrement contre mon espoir. Toutesfois au mesme instant j'envoiai à M^rs du Conseil d'Estat ses lettres et celles de M^r de Fromont, les priant de vouloir adviser en diligence s'il y auroit encore quelque moien d'y pourveoir, et écrivi à son Altèze, le suppliant très-humblement de vouloir encores séjourner deux ou trois jours, dedans lequel temps j'espéroi que les dicts Sieurs prendroient leur finale et absolute résolution. Je vous prie, Monsieur, croire que pour plusieurs raisons je suis marry d'estre si long temps absent d'Anvers, mais ceste est bien la principale que ne puis tant aider que je désireroi à la résolution de ces affaires. Mais ce mal intestin qui estoit en ce païs, a nécessairement ici requis ma présence, tellement qu'il ne m'a esté possible de m'absenter; néanmoins ce qui me restera de pouvoir, vous pouvez tenir pour asseuré qu'il sera tousjours emploié pour rendre trèshumble et très affectionné service à son Altèze; et sur ce, me recommandant affectueusement à vos bonnes grâces, je prierai Dieu, Monsieur, vous donner, en santé, bonne et longue vie, Gand, ce 13 janvier.

Vostre² très-affectionné amy à vous faire service,

Guillaume de Nassau.

+ 1579. Janvier.

1 Mot raturé et tout-à-fait illisible.

2 Yostre-service. Autographe.

[p. 529]

⁺Le 17 janv. ‘l'Ambassadeur-du Duc d'Anjou, Dampmartin, at exhibé lettres du Duc du 13 et, en vertu d'icelles, demande l'occasion de nostre dilay sans lui donner aulcun contentement, et déclare que le Duc fust desjà party vers France, ne fust que le désir qu'il a à nostre conservation et garde des villes qu'il a entre ses mains, l'eussent retardé jusques à ce qu'il eust de nos nouvelles et que les villes fussent asseurées contre l'ennemy:’ Rés. MSS. d. Et.-G.
‘Receu lettres de M. le Ducq d'Anjou... exhibées par le S^r Dampmartin, maistre des requestes de s. Alt. Surquoy est résolu d'escripre à s. Alt. que les Estatz lui donneront tout contentement, et qu'icelle ne doit prendre esgard à aulcunes calumnies particulières pour le faict de Mons⁽¹⁾, veu qu'icelles ne peuvent estre assopies par les Estatz, lesquelz la requiérent de vouloir permectre les garnisons tant et si long temps séjourner ès villes que l'ordre y soit mise par les Estatz:’ l.l.
On se flattoit que le Duc alloit revenir (‘Pendant que son Alt. séjournera à Ath, l'on pourra entendre si ceulx de Malines la vouldroient recepvoir ou non, actendu qu'ilz y ont aultrefois estez inclins:’ l.l.).
Il n'en fut pas ainsi. Le 6 févr., ‘M. Despruneaulx déclaire que... son Alt. s'est finalement, à l'instance du Roy son frère, partie pour Alenchon, demeurant continuellement en la bonne affection qu'icelle at apporté en ces pays:’ l.l.
Ce départ le rendoit de nouveau suspect (p. 368). Le 27 mars, M. le Prélat de Marolles a remonstré ‘qu'il est du tout nécessaire pour le bien et l'asseurance de noz affaires, de traicter avecq M. Despruneaulx, pour entendre le moyen par lequel on pourroit retenir à nostre dévotion ledit Duc d'Anjou; afin que, par les [menées] du Roy d'Espaigne et ses affectionnez, il n'abandonne nostre cause, ou tienne partie à nous contraire:’ l.l.

Le 19 janvier le Prince d'Orange et la Princesse, qui l'avoit

+ 1579. Janvier.

(1) Mons. ‘Montes reversum per occasionem convivii molitum aliquid esse suspicio fuerat:’ Str. II 10.

[p. 530]

⁺rejoint le 7 (‘feestelyk ingehaelt van de borgers en geleydt by den Prins haren Gemael:’ Ghendtsche Gesch. II. 108), partirent de Gand pour Dendermonde. Revenu à Anvers, son Exc. le 22 janv. ‘a déclaré qu'en vertu de la Commission à luy donnée par M^rs les Estatz, il se seroit transporté à Gand, y ayant faict toutz extrêmes debvoirs et offices pour les appaiser et accommoder les affaires entre eulx et les Wallons, sans avoir espairgné moyen que se soit, de sorte que personne n'at raison de se plaindre qu'il n'auroit faict telz debvoirs qu'il convenoit, comme il entend que aulcuns auront dict le contraire, sans raison ou cause légitimes; ayant en oultre allegué les causes de diffidence que les Ganthois ont prétendu et les raisons qui les ont contrains de se mectre en armes pour leur défense contre toute invasion. Dont la première diffidence a prins source de certaine publication que seroit faicte en ceste ville passé huict ou dix mois, contraire à la pacification de Gand, pour restablir l'exécution et bruslemens de ceulx de la religion. La seconde, qu'ilz tenoint pour certain que son Alt., Exc., Conseil d'Estat, et Estatz-Généraulx leurs auroint envoyé les Wallons pour ruiner leurs quartiers. La troisième, qu'ilz apercevoint que ceulx d'Arthois et quelques aultres provinces se préparoint à désunion et à leur faire la guerre. La quatrième, que ceulx de Tournay, en conformité de cela, avoint dessà enchassé plusieurs de la religion réformée et interdict l'exercice d'icelles. Dont, pour remédier à toute diffidence et remectre le pays en bonne et ferme union pour jamais, il trouvoit bon de faire nouveau accord et alliance générale ès provinces, vrayes forces du pays et remède pour repoulser les forces et violences de l'ennemy, là où au contraire les provinces yront en totale ruine et décadence, l'une devant, l'aultre après, par guerre, tirannie, et oppression de l'ennemy; pour à quoy obvier, soit par paix ou guerre, il employera son sang pour la conservation de la généralité. Surquoy les Estatz en général ont remercié son Exc. du soing, travail, et paines qu'il a prins au redressement des altérations et mal entendu qu'at esté entre ceulx de Gand et Wallons, la suppliant de continuer à ce que un oeuvre sy bien encheminé ne demeure sans effect, et le païs vienne à tomber en plus grande

+ 1579. Janvier.

[p. 531]

⁺division et combustion, ne désirans plus, tant qu'en eulx est, que le restablissement d'une bonne et enthière confidence, trouvans convenir qu'à icelle fin soit envoyé personnaige de qualité et d'authorité en Arthois et aultres provinces, pour les remonstrer les dangiers des traictiez particulières qu'ilz prétendent faire avecq l'ennemy commun, à l'entière ruine et division de la généralité.’ Rés. MSS. d. Et.-G.

Le retour du Prince à Anvers étoit nécessaire, sous bien des rapports, et spécialement aussi à cause de l'insolence du peuple. Les Etats-Gén. n'y délibéroient plus en sureté.
Voici un exemple de la manière dont la Commune y exprimoit ses désirs, ou notifioit ses volontés.
Le 13 janvier, ‘Mons^r le Burgm^re de la ville d'Anvers, Stralen, accompaigné du Coronnel [Surck], at déclairé le grand malcontentement que la Commune d'Anvers at receu aiant entendu la prinse de Carpen⁽¹⁾, se persuadant que la dite prinse estoit seulement advenue par faulte de paiement à la garnison y estant, qui at faict ouverture à l'ennemy de la practicquer et gaigner, considéré que le capitaine et Gouverneur estoit bon et fidel, aiant mesmement (comme le dite Commune se persuade) plus exploicté seul que toute l'armée des Estatz, de manière que la dite Commune fut venu trouver les dits Estatz pour les maltraicter, si par les Coronnelz et aultres gens de bien ne fut esté empesché, en déclairant le debvoir faict de la part des dits Estatz, Néantmoings, puisque la chose est advenue, le dit Burgm^re déclaire qu'il convient donner ordre à la ville de Mastrycht, laquelle l'ennemy practicquera samblablement, si par remède convenable n'y est pourveu. Surquoy est résolu que le Conte de Hoënlo commandera en la ditte ville en chief, y estant le Colonnel Balfour avecq son régiment, ausquelz l'on donnera le meilleur contentement que faire se pourra; allégans les dits Estatz, endroict du susdit malcontentement de la Commune, qu'icelle est fort mal fondée, mesmement du tout abusée, actendu les bons debvoirs

+ 1579. Janvier.

(1) Carpen. Voyez p. 499, sq.

[p. 532]

⁺et offices faicts par les Estatz, tant endroict de l'entretènement de l'Union, que aultrement, durant laquelle la ditte Commune d'Anvers se doibt souvenir du démolissement du chateau de leur ville et de l'establissement de leur liberté, et que les députez des dits Estatz ont tenu la main, mesme faict accomplir et approuver les accordz des deniers par les provinces, dont la guerre at esté entretenue, et non seulement des moiens généraulx que se practiquent en la ville d'Anvers (comme la Commune se persuade), lesquelz tant s'en fault que leur appertiennent en particulier, ains au contraire sont deuz à la généralité, actendu qu'iceulx se paient en toutes provinces par la distribution des marchandises. Bien est vray que la guerre tire quant et soy beaucoup d'incommodité, tant d'une part comme d'autre, mais il ne les convient pourtant attribuer aux députés des EstatzGénéraulx, aians faictz les debvoirs susdits, dont l'exécution dépent de son Alt. et Exc., leur aians mesmement remis les affaires de guerre et au Conseil d'Estat, retenans le seul advanchement d'argent, duquel l'empeschement tant s'en faut qu'il soit advenu par la faulte des dits Estatz, veu que les accordz ont esté faictz par les provinces, y aians, à l'instance des dits Estatz, voluntairement consenty pour l'entretènement de ceste guerre, mais, au contraire, est advenu par l'iniquité du temps et par les dissentions et mal-entenduz entreles provinces survenuz, si comme entre Brabant, Hollande, et Zeelande, endroict la collecte des moiens généraulx, en Flandre pour la religion, et ès aultres provinces pour la crainte qui les tient du mal voisin et mesmement du mal-entendu, se retrouvant en icelles, comme entre les Frisons et Ommelandes⁽¹⁾, et pour le petit debvoir de ceulx de Geldre, se fondans tousjours en leur privilèges, ne les voulans en rien céder, nonobstant qu'iceulx soient du tout contraires aux contributions nécessaires pour l'entretènement des fraiz de ceste guerre, pour lesquelz mieulx supporter seront escriptes lettres à toutes provinces pour furnir au plustost tous leur deniers, et signament aux provinces d'Hollande et Zeelande, où seront

+ 1579. Janvier.

(1) Ommelandes: p. 264, in notâ.

[p. 533]

⁺envoiées personnes de qualité pour les indnire aux contributions nécessaires, estant la dénomination remise aux Estatz de Brabant:’ l.l.
Le 16 janvier, ‘Messieurs les Estatz ont remonstré à son Alt. et Messieurs du Conseil d'Estat les propos injurieux et séditieulx qu'aulcuns bourgeois auront tenu à préjudice des Estatz-Généraulx, s'y estans desbordez sy avant qu'ilz menaschoient les massacrer et jecter hors des fenestres, ayants aussy par voye de faict hier soir voulu forcer la porte où Mons^r Dauchy, frère de feu Mons^r le Comte de Boussu, est logé. Suppliant au nom des Estatz-Généraulx que le plaisir de son Alt. et de Mess^rs du Conseil d'Estat fust de pourveoir de remèdes convenables, à ce que les Estatz ne soyent occasionnez de se retirer, pour ne tomber en dangier sans leurs mérites. Surquoy est résolu par son Alt, Messieurs du Conseil d'Estat, et Estatz-Généraulx, que l'on rappellera vers son Alt. Mess^rs du magistrat de ceste ville et colonnelz, pour leur remonstrer les plainctes susdits, et les inconvéniens qui en pourront sourdre à ce qu'ilz se veuillent informer du faict et tant faire que l'union et repos publicq soit maintenu, ne désirans les Estatz aultre que en toute seureté entendre aux affaires publicques, selon la charge qu'ilz ont de leurs provinces et maistres, et sy l'on n'a appaisement de eulx, ilz seront contentz de se retirer à toute heure, comme aussy de rendre compte des deniers receuz et employez pour la généralité, et sy avecq ce ceulx du magistrat et couronnelz ne se contentent et ne sçavent asseurer les Estatz de sorte qu'ilz puissent librement et franchement entendre aux affaires de la généralité, ilz treuvent convenir de mectre en après en délibération, s'il ne conviendra choisir aultre ville⁽¹⁾ pour leur assamblée et plus grande seureté:’ l l.

+ 1579. Janvier.

(1) ville. Le 5 févr. ‘son Alt., Exc., et M.M. du Conseil d'Estat... ont esté d'advis que, pour mieux accommoder les Estatz, lelieu de l'assemblée générale et sollennelle sera Bruxelles ... Sur quoy a esté résolu, par pluralité de voix. que... combien qu'ilz désireroient bien de gratiffier la ville de Bruxelles,.... toutefois, considérans que le lieu seroit trop dangereux pour l'ennemi, qui est voisin à Louvain, et feront journellement courses jusques aux portes de la ville, trouvent mieulx conseillé de faire la convocation en ceste ville d'Anvers:’ l.l.