Archives ou correspondance inédite de la maison d'Orange-Nassau (première série). Tome VI 1577-1579

Lettre DCCCXL.
La Comtesse Marie au Comte Jean de Nassau. Mort de la Comtesse d'Egmont.

...Ich hab gar gerne vernomen das wir Campen wider in haben; ich hoff Gott wert ons helfen das etwes gouts mit Deventer⁽²⁾ auch wert verricht werden, undt das wirs balt haben... Ich hoff doch das me frau bey E.L. wert kommen künnen, welches ich woll wünsche wult, den ich weis das es me frau eyn grosse frut solt sein E.L. zu sehen, do mich auch niet wenig nach verlanckt das ich eyn mal bey ir Libe mücht sein, den mich ducht das in

(2) Deventer. Cette ville, assiégée par le Comte de Rennenberg, ne se rendit que vers la mi-novembre: Bor, 1004^a.

[p. 424]

⁺hondert jar niet derbey bin gewest. Was hir vor zeitunge ist weis ich E.L. nicks sünderlichs zu schreiben, den das man sagt das der feindt wider zurück ist, das zu erachten ist das eyn wenig förcht bey in ist: sie verlangeren alle hir ser das Hertzog Hans-Casemir mit seinne reutteren balt kommen mücht, als den meine sy es solt kein not haben das ons der feindt grose schaden sol doen; den wier als den mer leut hetten als der feindt. Ich sweiffel niet me Her undt anderen werden E.L. besser bericht doen wy alle sachen hir sthen, als ich; ist derhalben on not das ich E.L. weitters darvon melt. - Ich kan E.L. auch niet verhalten wy das dy goude von Egmont den 19^ten dises⁽¹⁾ verscheiden ist: ich denck E.L. wert es schon vernomen haben. Sy hat 6 onbestäte duchtere gelasen undt 3 seunne. E.L. künnen wol erachten was for eyn hertzenleit do ist, undt was sy verloren haben; weils aber den willen Gottes also ist, mus mes¹ mit gedult annemen... Datum Antdorff, in ser grosser eil, den 24^ten Julij A^o 1578.

E.L. gans gehorsame undt getrue Dochter,

dy zeit meinnes lebens,

M.F.v.N.u.O.

+ 1578. Juillet.

(1) 19^en dises. Donc v. Meteren se trompe en fixant la date de cette mort au 19 juin 1577: p. 130^b.

1 man es.