Lettre DCCLXVI.
La Princesse au Prince d'Orange. Elle va partir pour Bréda.
Monsergneur! J'ay esté bien contente de savoir par Monsieur le Conte de Hohenloe comme vous este en bonne sencté, dont je loue Dieu et désire qu'il Luy plaise vous y mainctenir, en sorte que je puisse avoir bientost cest heur de vous voir à Bréda, dont mon dit Sieur le Conte m'a donné bonne espérance, et m'a dit de vostre part qu'il vous plaict que j'aille incontinent à Bréda; à quoy je ne feray faulte, et mesme Monsieur vostre frère est en voullonté que nous aillions ensemble, dont je suis fort aise, estimentque cella vous fera encore venyGa naar voetnoot1 plustost. Je ne pence que puissyons plus prontement que lundy ou mardi prochain, à cause que dimenche Messieurs de ceste ville ont prié au banquet Monsieur vostre frère. Nous donnerons aussy ce loisir pour aprester les logis, et fairay tout le mieulx que je pouray, m'atendent
Auteursrechtvrij