Lettre DCCLII.
Ga naar margenoot+C. de Trello au Prince d'Orange. Il se recommande pour l'accompagner en Brabant.
Monseigneur! J'ay entendu de quelque bonne part que les Estats de Brabant et aultres ont députés l'abbé de St. Gheertruyt, les Srs de Sweveghem et de Champaigney et doctor Léoninus, pour se transporter vers v. Exc., affin de instamment requérir à icelle de se vouloir transporter en Anvers ou Bruxelles; et comme je présume bien que v. Exc., en condescendant à leur requeste, ne se transportera par dechà sans estre bien accompaignée et de fidelles capitaines et soldats, ay bien voulsu par cestes supplier très humblement qu'il plaise à Monseignr réduire en sa mémoire que j'ay aultresfoys porté les armes pour le service de v. Exc. en Anvers; ce que je désire faire encoires en toute fidélité possible. Et, bien que pour le présent n'ay compaignie de soldats, s'il plaist à v. Exc. m'en envoyer une petite commission par ce porteur, je me faicts fort que, huict ou dix jours après, en auray ensemble une bonne troupe soubs mon ensègne. D'avantaige q'advenant que v. Exc. vint à dresser un régiment sien en Anvers ou aultrement tenir sa résidence illecq, je supplie bien humblement à icelle réserver pour moy l'office de Sergente-maijor de la dite ville.... D'Anvers, ce 8me de sept. 1577.
de V.E. très-humble et très fidelle serviteur et soldat,
Charles de Trello.
A Monseigneur le Prince de Oranges, Comte de Nassau, etc.
Auteursrechtvrij