Lettre DCCLI.
O.v.d. Tempel à de la Garde. Il demande sa recommandation auprès du Prince d'Orange.
Monsieur de la Garde! Après mes humbles recommandations, servira ce mot pour vous advertir comment que je suis arrivé en ceste ville de Bruxelles passé quelque jours enchà, avec les lettres de recommandation de s.E., lesquelles vous avez veu; mais ayant les dits lettres présentées à iceulx ausquelz qu'il appertient, je trouve que les Estats sont plus inclinez et affectionnez pour advancer ceulx qui ont servyt à leur costé, que ne font aux gens de Monsr le Prince; desquelles, comme il me semble, ilz font fort petite compte. Par tant je vous en supplie de vouloir sonner ung mot à s. Exc., et tenir la main de ma part pour et à fin que s. Exc., en favoeur de mes bons et loyaulx services, veuylle avoir considération, et s'il doibt envoyer de par dechà quelques compagnies d'Hollande ou de Zeelande, me vouloir tousjours tenir pour recommandé.... A Bruxelles, le 8me jour de septembre 1577.
Vostre bien affectionné amys à vous faire service,
Olivier van den Tympel.
A. Monsieur de la Guarde, mon bon Sr et amys, à Geertruydenberch.
Auteursrechtvrij