Archives ou correspondance inédite de la maison d'Orange-Nassau (première série). Tome VI 1577-1579

Lettre DCCXL.
La Comtesse Julienne de Schwartzbourg au Prince d'Orange. Elle se recommande à son souvenir.

Monsieur. Estant arivé ir³ au soir isy auprès de mon frère le Conte Guntert de Schwartzburgk, j'ay antandu qu'il l'y aloit mesager exprès vers Hollande, je n'ay peu fallir au devoir de obéissante sceur, me remantevoir bin humblement en vostre bone grâce, est suis esté fort réjouy d'antandre vostre bone disposision, car en lon tamps n'ay eu se bin⁴, mes j'ay bin eu lettres de mademoiselle ma nipse⁵ d'Oranges, qui m'at mandé que avés seven⁶ la fivre, se qui m'as, je vous promés, bien fort déplu, et suis toujours esté en fort grant paine jusques à se que j'ay antandu de ma sceur la Contesse de Schwartzburg, que estis⁷ aryvé en bone santé, dont je loue non Dieu et le prie vous il⁸ maintenir encore lontamps. Elas! Monsieur,

3 hier.

4 bien.

5 nièce.

6 souvent.

7 estiez.

8 y.

[p. 120]

⁺je pansois que se bon Dieu me randeroit eunne fois sy heureus de vous voire, et avois mis tout mon espoir seur sete pais, qui me samble, à mon avis, peu durable, espérant qu'elle eut esté ocasion de jouuir tant plustôt de vostre présense, samblablement de selle de madame la Prinsese et medemoiselle vous filles; mes puis qu'[il] ne peura venir à mon désir, ny sy tôt come je souhaide bin, il faut qu'en ay la patiense et viver se pandant en espoir que la longue absanse ne serat cause que je serés mis en obly, mes que me tenderés¹ à jamès preste à vous randre toute ma vie très-humble servise, et sela d'ausy bon ceur que persone en se monde poroit faire, et me fiee² toujours au bon vouloir que m'avés toujours montré que ne mesterés doubte à mon dire; par quoy ne ferey ceste plus longue, priant le Créateur vous donner, Monsieur, en santé, heureuse vie, et à moy à jamès se bien de vostre bone grâce, en laquelle plus que très-humblement me recommande. Se fait de Arnstat, se premir d'auaut 77.

Mons^r mon mary m'at ensargé de vous présenter ses très-humble recomandations en vostre bone grâce, avecque offre de son très-humble servise.

Vostre très-humble et obéisante sceur et servante à jamès vous complaire,

Juliana de Nassaw

A Monseigneur le Prince d'Oranges.

+ 1577. Août.

1 tiendrez.

2 fie ou fier.