Archives ou correspondance inédite de la maison d'Orange-Nassau (première série). Tome VI 1577-1579

Lettre DCCXXVIII.
Ph. van der Meeren au Prince d'Orange. Il tâchera de procurer l'évacuation de Bréda.

*_** Voyez la Lettre 718.

Monseigneur, j'ay receu la lettre de vostre Exc. datée

[p. 73]

⁺du 12^e de ce mois, et entendens par icelle que fussiez esté bien ayse que ceulx du Conseil d'Estat et EstatzGénéraulx m'eussent envoyé à Bréda pour faire sortir les Allemans de sa maison illecq, et le vous remectre en mains suyvant la pacification, ce que j'eusse grandement désiré pour le service que je désire faire à v.E., mais ils m'avoient adjousté aulcunes clauses, comme vostre Exc. pouvez avoir veu par l'acte qu'on vous a dépesché, lesquelz nullement n'ay voulu accepter, mesmes que j'ay eu grandes parolles hier huict jours en plain collège des Estatz-Généraulx avecq quelque principal, et luy dis qu'on avoist grand tort de traicter ainsy avecq ung tel Prince, lequel estoit occasion de tout nostre bien. Sur ce il me respondit: ‘Le Prince d'Orainge n'est-il poinct vassal? fault-il point qu'il fasse serment si bien qui¹ faict faire à Madame d'Arenberge⁽¹⁾ de par delà, et aultres Seign^rs des principaulx qui ont dé² bien là?’ Sur ce je luy respondis deux ou trois mots, qui seroient trop loing³ à escripre, desorte que le lendemain me [prient⁴] une fiebvre avecq une catarre au braz, que je ne me suis bougé de ma chambre jusques à ores: néantmoins n'ay failly dè solliciter avecq mes bons amis, affin que v.E. puisse avoir vostre satisfaction touchant la ville et chasteau de Breda, et en ay escript au Docteur Léoninus, lequel ce jourd'huy m'a venu visiter, en me rendant responce sur ce que je luy avois escript, qu'il espère que le Conseil d'Estat avecq les Estatz donneront tant conten-

+ 1577. Avril

1 qu'il.

(1) M^me d'Arenberge. Dame de Sevenbergen, Naeltwyk, Noordeloos: Rés, d. Et. d. Holl. 9 avr. 1577.

2 dès ou du.

3 long.

4 prinst, prit.

[p. 74]

⁺tement, mesmement que Mons^r de Grobbendonck et Rassengien estoient party dès hieres envers le S^r Don Juan pour tel effect, comme il pensoit; et quant à moy, Monseign^r, si tost que je pourray sortir, ce que j'espère, avecq l'ayde de Dieu, le lundy prochain, ne fauldray de solliciter en toute diligence pour ce faict... A Bruxelles, ce 20^e d'apvril 1577. De par

vostre très-humble, obéissant serviteur,

Philippes van der Meere.

A Monseigneur le Prince d'Orainges.

+ 1577. Avril.