Archives ou correspondance inédite de la maison d'Orange-Nassau (première série). Tome VI 1577-1579

Lettre DCCXX.
Christ. Roëls au Prince d'Orange. Affaires de Zélande; Edit-Perpétuel.

Monseigneur! Ensuyvant la charge de v. Exc., ay besoingné avec Mess^rs Hooze et Manmackere, auxquels ayant descouvert le tout, leur ay donné par dessus un mémorial pour pouvoir faire plus commodement rapport à v Exc. et aux Estats; c'est matière de l'aide de Zeelande dicte schot², de laquelle souloit venir le surcroix, laquelle v. Exc. entend mieulx qu'ilz ne font; néantmoins le tout gist en la résolution quy se prendra sur l'exécution, et se fault haster; car je me doubte queles rent [meesters] auxquels ce touche, brassent quelque chose à leur advantage, principalement celuy quy s'absente et ce pendant avance son intention par sfemme et ses agens quy vont et

2 Genre de contribution.

[p. 51]

⁺viennent⁽¹⁾ .... L'absence de Mons^r Hooze aux fermes des impos de La Goes, a esté cause que n'ay sceu besoingner plustost. Au susdit affaire il fauldra aussy prendre regard sur certaines 25¹ de¹ courans à intérest, d'aultant que aulcuns particuliers obligez et aultres des principaulx de La Goes, pour povoir librement trafficquer, cercheront en estre déschargez et vouldront employer ces deniers ou aultres à ceste fin; et me semble, soubz correction, que vostre Exc. debvroit bien, pour point engendrer jalousie ou diffidence, appeller à ceste convocation par dellà les dits de La Goes et les faire caresser extraordinairement par les aultres Estatz pour les unir tant plus, et poulra alors entendre d'eulx leur volonté, combien que ce mis en avant ne leur touche, estant toute nostre question sur Walcheren et Beoisterschelt².

J'ay dict à Mons^r de Mansard qu'il y a un indicible préjudice pour tout le païs que la paix avec Don Jan se divulgue en la sorte qu'elle se faict, sans qu'on sçache publicquement en quelle manière elle a esté forgée et quelles protestations v. Exc. et les Estatz de par deçà ont faict après l'accord et publication faicte, et que pour tant il semble estre besoing d'imprimer le tout par deçà selon les actes, pour abbrever³ unz chascun de la vérité... De Middelbourg, ce d'apvril 1577.

De v. Exc. très-humble serviteur et très-obéissant,

Christophle Roëls.

A son Exc. estant aux Estatz à Dordrecht.

+ 1577. Avril.

(1) ... Dans le passage omis il est question de papiers que Roëls a ‘laissé és mains de mon frère à Middelbourg’; sans doute Guillaume Roëls: T.V. p. 417.

1 Inlisible.

1 Inlisible.

2 Beoosterschelde.

3 abreuver.