Archives ou correspondance inédite de la maison d'Orange-Nassau (première série). Tome V 1574-1577

* Lettre DCLXII.
Le S^r de Hierges au Prince d'Orange. Il lui demande de l'artillerie et des munitions.

Monseigneur! Envoyant le capitaine Teylingen sans payer aucuns rançon en Hollande, estimant qu'il ne fauldra de se transporter vers v.E., n'ay voulu laisser luy escripre ceste, pour luy faire entendre l'estat auquel se retrouvent les affaires de ce quartier-icy, estans, tant ceulx de Gheldres que Utrecht, tous jointz et unys avec les Estatz-Généraulx de par deçà, comme je ne faiz doubte que d'icy à fort peu de jours seront aussy ceulx d'Overijssel; le tout tendant à une bonne pacification et sortie des Espaignolz et aultres estrangiers, ne me restant aultre chose pour ce faire que en ayons le moyen, assçavoir artillerye et pouldre; et, là où il plairoit à v.E. nous prester 10 ou 12 canons et 400 à 500 quin-

[p. 523]

⁺taulx de pouldre, laquelle nous feryons payer, j'espèreroiz en peu de jours venir à boult du tout; et, pour tant plus faciliter l'emprinse, seroit bien requise la présence de Mons^r le Conte de Bossu, si tant estoit qu'il pleust à v.E. luy faire donner liberté, à laquelle je suplye trèshumblement vouloir oublyer le passé et me tenir pour son très-humble et obéyssant serviteur, comme jà long-temps je suis esté... D'Arnhem, le 16^me de Novembre 1576.

De¹ v. Exc. très-humble et obéissant serviteur,

Gilles de Berlaymont.

A Monseigneur le Prince d'Oranges.

+ 1576. Novembre.

1 De-serviteur. Autographe.