Archives ou correspondance inédite de la maison d'Orange-Nassau (première série). Tome V 1574-1577

Lettre DXCVI.
La Princesse au Prince d'Orange. Perte de Zierikzee.

Monseigneur. C'est bien à mon grant regrect que le traveil et paine que vous prenés par dellà n'a peu réussir cellon nostre désir, aient esté bien fâchée de l'inconvénient survenu au grant bateau et de la perte que vous avés faicte du pauvre Amiral, car je ne doute poinct que ne soiés bien empesché⁽¹⁾ pour mectre ung aultre en sa charge. Le Sieur de Viry m'a dit que vous receviés beaucoup de soulagement de Mons^r le Conte de Hohenloe, dont j'ay esté bien-aise, et du commendement qu'il vous plaict de me faire de vous aller trouver; mès avecque ce que je suis encore bien foible, sur ce premier bruict de Ziericzee, je n'ay poinct voulu demender de conseil, craingnent que cella n'aportast quelque nouvelle craincte. J'atendray encore quelques sept ou huict jours, pandent lesquels je pouray, s'il plaict à Dieu, prandre l'air jusques à la Haie, pour voir comme je me trouveray. Quant

(1) bien empesché. ‘Na lange deliberatie heeft de Prince geschreven aan Jonkheer Willem van Bloys geseid Treslong:’ Bor, 705^b.

[p. 367]

⁺à vostre fille, elle se porte bien. Je me suys enquise sy la mer luy seroit dengereuse à passer; beaucoup me disent que non; toutesfois je vous supplie, Monseigneur, me mander ce qu'il vous plaira que j'en face. Je n'ay failly de faire voir vos lettres, inssy que me commandés, à Messieurs des Estas, et l'esdit de la paix de France: Dieu veille que vous en aiés bientost des nouvelles à vostre contentement, duquel le mien dépent entièrement, et de vous savoir en bonne sencté, à quoy je vous supplie très humblement avoir etgart et en prendre soing. A Delff, ce 2 juin, à 7 heure du soir.

Vostre très-humble et très-obéyssante fame tant que vivera,

C. de Bourbon.

A Monsieur, Monsieur le Prince.

+ 1576. Juin.