Archives ou correspondance inédite de la maison d'Orange-Nassau (première série). Tome V 1574-1577

Lettre DXCV.
N. Brunynck au Comte Jean de Nassau. Echec en Zélande. Il n'y a rien à attendre de la Reine d'Angleterre.

*_** L'échec devant Zierikzee, dont le Prince donna le 28 mai avis à son épouse, faisoit pressentir la reddition de la ville. Néanmoins on redoubla d'efforts. ‘Noch tot vyf diverse reisen is het ontset met diverse schepen en soldaten versocht, dan hebben t'elken reise met groot verlies.... moeten wederom keeren.’ Bor, 679^a. Le Prince avoit en outre fait venir 2000 hommes d'Ecosse: l'ennemi intercepta la lettre par laquelle il en donnoit connoissance aux assiégés: l.l.

...V.S. aura par les lettres de son Ex. du 16^me(1) du mois passé, entendu tout l'estat des affaires de par deçà jusquesalors. Depuis son Ex. a esté continuellement travaillant pour ravictuailler la ville de Zierixzee, dont toutesfois il n'a encoires pleu à Dieu de donner aucun bon succès pour nous. Nous espérions bien de faire quelque chose de bon dimanche dernier passé, estans tous noz gens de guerre fort bien animez, mais, n'estans point secondez de ceulx de la ville de Zierixzee, qui debvoient avoir faict sortie, et venans noz gens au lieu destiné, ils furent tellement repoussez par les ennemis que nous y perdions beaucoup de gens, et entre aultres ung de noz plus grands

(1) 16^me. La Lettre 592.

[p. 365]

⁺batteaulx, lequel, après avoir receu plusieurs canonnades des ennemis, s'en alla au fond, avecq bien trois cens hommes qui sont tous périz, et M. l'Admiral Boisot y a esté aussy noyé. Ce qui nous est grande perte, mais, puisque la volunté de Dieu a esté telle, il nous le fault prendre patiemment. Depuis il n'a plus rien esté attenté. Toutesfois nous avons encoires espoir (moiennant la grâce de Dieu) de secourir la ditte ville. J'advertiray toujours v.S. du succès. Les aultres affaires du pays sont en estat assez raisonnable, bien que son Ex. se treuve quasi accablée du continuel travail et labeur, qui ne luy donne aucun repos.

De la France v.S. aura présentement seures nouvelles de la paix qui s'est illecq conclue et arrestée. Dieu vueille qu'elle soit durable. Son Ex. n'a encoires aucunes nouvelles du docteur Rozenberger, ny aultres qui sont allez par delà⁽¹⁾. Si nous en pouvions tirer quelque bonne assistence, cela apporteroit ung grand soulaigement à noz affaires. V.S. aura entendu comme M^r de S^te Aldegonde, et aultres ayants esté par son Ex. et les Estats de ce pays envoyez en Angleterre, sont retournez sans aucun fruict, et ne debvons espérer aucun bien de la Royne. Nous nous asseurons que, quand oires tous les hommes nous auront délaissez, si est-ce que Dieu nous assistera tousjours, comme Il a faict jusques à maintenant.

Son Ex se porte, gràces à Dieu, fort bien, mais tant empesché, qu'elle n'a loysir d'escripre présentement à v.S., aussi n'y a aultre chose que ce que v.S. trouvera

+ 1576. Juin.

(1) par delà. p. 324 et 363.

[p. 366]

⁺par ceste..... Escript à la Vere, au pays de Walcheren, ce premier jour de juing 1576.

De v.S. bien humble et bien obéyssant serviteur,

Nicolas Brunynck.

A Monseigneur le Conte Johan de Nassau Catzenellenbogen etc. à Dillenberch.

+ 1576. Juin.