[*] Lettre DLXXVIII.
Ga naar margenoot+Le Prince d'Orange à la Reine Catherine de Médicis. Il se recommande en ses bonnes gráces (* MS. P. C. 337.)
Madame. Comme depuis le partement du Sieur de [LeviersGa naar voetnoot1] de ces quartiers me sont survenues certaines affaires que j'ay bien voulu faire entendre à sa Majesté très Chrestienne, et que présentement à cest effect je dépesche vers icelle Monsieur de Lumbres, je ne l'ay voulu laisser partir sans faire ce mot de lettre à vostre Majesté, pour de tant plus luy tesmoigner l'entière et vraye dévotion que j'ay à son service, et par mesme voye supplier très humblement vostre Majesté que son bon plaisir soit de continuer son accoustumée bonne faveur vers moy, et à ceste fois me tant honorer que ledit Sr de Lumbres puisse avoir bénigne audience de sa Majesté très Chrestienne, et la vostre; en quoy vos Majestez ne me donneront seulement occasion, ains m'obligeront grandement à estre et demeurer tousjours très humble et fidèle serviteur d'icelles, et de plus en plus penser à tout ce qui peult concerner au bien et grandeur de vos Majestez et de leur Couronne.
Madame, baisant très humblement les mains de vostre Majesté, je supplieray Dieu la conserver longuement en bonne et heureuse vie. Escrit à Rotterdam, ce xije jour d'octobre 1575.
De Vostre Majesté très humble serviteur,
Guillaume de Nassau.
Auteursrechtvrij