Archives ou correspondance inédite de la maison d'Orange-Nassau (première série). Tome V 1574-1577

* Lettre DLVI.
Le Prince d'Orange au Comte Jean de Nassau. Négociations.

*_** La réponse dont le Prince fait mention, fut délivrée le 11 mai.

Monsieur mon frère. J'espère que Messieurs mes frè-

[p. 199]

⁺res, les Contes de Schwartzbourch et de Hohenloo, seront présentement avecq Madame ma soeur et toute leur compaignie arrivez sainement à Dillenbourg, chose que je désire extrêmement entendre, et vous puis asseurer que leur partement ne m'a causé peu de regret, pour me veoir de rechieff privé de la doulce compaignie de tant de mes bons parens et amis. Je ne doubte que par mes dits frères vous soyez amplement advertiz de l'estat des affaires de ce pays, et de tout ce que je leur avois prié vous dire de ma part. Depuis il n'est icy survenu chose qui mérite. Les affaires de la guerre demeurent tousjours en mesme estat, et celles de la paix ne s'advanchent guerres, bien que les commissaires du Roy sont de rechieff à Bréda, et aulcuns des nostres sont à Geertruydenberghe depuis le 7^me de ce mois, pour présenter la responce que les Estats avecq tout le peuple de ce pays et moy faisons au dernier escript, présenté par les dit Commissaires du Roy; mais eulx et les nostres ne sont point jusques icy esté ensemble, pour n'estre encoires convenuz sur le faict des ostaigiers. Je vous envoye ung double de nostre dite responce, et du succès serez adverty à toutes occasions. ...Escript à Dordrecht, ce 10^me jour de may 1575.

Vostre¹ bien bon frère à vous faire service,

Guillaume de Nassau.

A Monsieur, Monsieur le Conte Jéhan de Nassau, mon bien bon frère, à Dillenbourc.

+ 1575. Mai.

1 Vostre - service. Autographe.