Archives ou correspondance inédite de la maison d'Orange-Nassau (première série). Tome V 1574-1577

[1575]

Lettre DXXXI.
N. Brunynck au Comte Jean de Nassau. Départ du Comte de Schwartzbourg.

Monseigneur! Ayant ce jourd'hui par ung messaigier

[p. 114]

⁺venant de Zeelande receu ung pacquet de lettres de son Exc., j'ay par ce gentilhomme présent porteur bien voulu envoyer à v.S. une lettre que son Exc. vous escript, et estoit en mon pacquet. Il y avoit au mesme pacquet encoires deux lettres, l'une pour M^r le Conte de Schwartzenbourg, l'aultre pour Madame la Contesse sa compaigne, lesquelles j'ay délivré à leurs Seigneuries, et sont leurs Seigneuries ce jourd'huyparties de ceste ville vers Nuys, pour estre demain à Moers¹ avec toute leur compaignie. Monsieur le Conte Herman de Wyde⁽¹⁾ est encoires venu en temps, et party avecq leurs Seigneuries. J'envoye à v.S. encoires une lettre venant de Monsieur le Conte de Nuenar: J'ay parlé au Sieur de Breyl, lequel est et se monstre bien affectionné à faire service à son Exc. Mais veu qu'il n'a pleu à v.S. de luy escripre un seul mot, ny aussy luy envoyer aucunes lettres de crédence ou instruction, il estime que v.S. a employé et envoyé ung aultre au lieu que v.S. sçait. Je luy ay dist que cela m'estoit incognu, et sur cela sommes partiz l'ung de l'aultre. Monsieur de Heylinghen est arrivé par deçà: j'espère le trouver à Wésel, où je me parte demain avecq ma femme, Dieu aydant, pour aller à Emden... Colongne, 6 janvier.

+ 1575. Janvier.

1 Meurs.

(1) H. de Wijde: qui avoit épousé la Comtesse de Bentheim; mort en 1592.