Archives ou correspondance inédite de la maison d'Orange-Nassau (première série). Tome V 1574-1577

† Lettre DXVI.
Le Prince d'Orange au Comte Jean de Nassau. Il envoye vers lui le Sécretaire Brunynck.

Monsieur mon frère.... J'ay receu une vostre du iij^e jour de ce mois, et bien entenduz tous les poinetz y contenuz, signament¹ les propos que mon beau-frère le Conte de Swartzbourg a entendu de l'Empereur sur la

1 nommément.

[p. 67]

⁺pacification de ce pays, et la délibération que mon dit beau-frère a de venir à cest effect ung tour jusques icy, accompaigné de ceulx que me dénommez, et ne sçaurois assez remerchier mon dit beau-frère, vous et tous aultres mes bons amis, du bon soing que vous avez de noz affaires, accompaigné d'ung désir les veoir ung jour en bon et prospère estat. Cependant je ne vous tiendray icy long propos pour respondre à vostre lettre, puisque je vous envoye présentement mon Sécretaire Brunynck, lequel, estant par moy de tout instruict, vous fera entendre mon intention, et cognoistre l'estat présent des affaires de par deçà, joinctement le besoing et nécessité qu'avons d'estre promptement secoureuz par quelcque voye que ce soit. Brunynck vous dira aussy la débilité et indisposition grande de corps qui m'a détenu quelque temps, et combien cela venoit mal à propos pour la conduicte de nos affaires, principalement en ceste saison que nous sommes sur le poinet de ravictuailler la ville de Leyden, qui en a plus que besoing. Mais, grâces à Dieu, je me suis depuis aulcuns jours ençà bien fort refaict, et espère en peu de temps avoir recouvert ma première santé. Brunynck vous rendra les deux blancx signetz que par celles du dernier de jullet m'avez envoyé... Delft, ce 28 jour de septembre 1574.

Vostre¹ bien bon frère à vous faire service,

Guillaume de Nassau.

On mettoit tout en oeuvre pour le secours de Leide. Une flotte, sous les ordres de L. de Boisot, traversant le pays submergé, étoit déjà près de la ville. Le 26 sept. l'Amiral écrivit au Commandant de la Garde bourgeoise, van der Does, Seigneur de Noordwyk, célèbre également par son érudition et par sa bravoure (utroque clarescere rarum) ce billet¹ transmis par la poste aux pigeons (T. IV. 47, in f.).

+ 1574. Septembre.

1 Vostre - service. Autographe.

1 Vostre - service. Autographe.

[p. 68]

⁺‘Monsieur de Nortwyck! Doiz que fusmes arrivez au Noort-Aa, je vous escriviz le succez de nostre voyage, mais le messager, par pusilanimité ou autrement, retourna en ce lieu sans accomplir sa promesse, qu'estoit de présenter au Magistrat les lettres de son Excellence; et cela est advenu par diverses fois, qu'est la cause (au grant regret de son Exc. et la nostre) qu'avez eu si peu des nouvelles de par deçà. Je suis esté très-aise de veoir par les lettres du Magistrat de Leyden que vous et vostre cousin avez encores souvenance de celuy qui vous est vrayement affectionné serviteur et amys, et qui, pour secourir tant de gens d'honneur, n'espargnerat sa personne ny sa vie; de quoy pouvez hardiment asseurer ceulx de la ville les prians qu'avecques leurs gallères et batteaulx de guerre ilz ne sortent jusques à ce que soyons hors de tout danger à voz portes, et que pourrons communiquer ensemble. M. de Carnis⁽¹⁾ m'at fait délivrer un pastel pour le mander à M. sa compagne, et son nom y est ecript; et pour moy j'ay envoyé un autre, où il n'y at riens escript, à Madame vostre compagne, me tenant pour assuré qu'elle vous en ferat part; aussi n'at-il esté faict avecq quelques autres sinon pour le manger en vostre compagnie, qu'estoit la raison que demandois par mes précédentes d'estre logé près de vous, en cas que n'y serois d'empeschement. J'espère, d'avecques l'ayde du Seigneur, y estre de brief. Iceluy Dieu vous maintienne avecques M. vostre compagne (laquelle trouverat ès présentes mes cordiales recommandations ès ses meilleures grâces), et nous tous, en Sa sainte sauvegarde. En nostre gallère au lacq de Noort-Aa, près de Waytpoorte, ce 26 de 7tembre 1574.
Vostre très-affectionné et parfait amy,
Loys de Boisot.
Vostre beau-frère estoit encore hier icy, mais ce jourd¹ huy ne l'ay veu; vous recevrez ses recommandations avecq celles de M. de Warmont.’

+ 1574. Septembre.

(1) Carnis. Florent v. den Boetzelaer étoit Seigneur de Asperen, Langerak, et Karnis.

1 Imprimé dans Het vijfde halve Eeuwfeest over het ontzet van Leyden, p. 24, avec autorisation du possesseur M. le Comte de Limburg Stirum de Noordwyk.