Archives ou correspondance inédite de la maison d'Orange-Nassau (première série). Tome V 1574-1577

N.^o DXIV^a.
Instruction du Prince d'Orange pour M_r de [Revers], allant vers le Roi de France.

Premièrement le dit S^r de [Revers] s'achemynera droict vers la court de Sa Majesté, à laquelle il présentera les lettres qu'il porte de Monseigneur le Prince... Déclarera à Sa Majesté le plaisir et grand aise que le Prince a reçeu de l'advènement de Sa Majesté à la Couronne de France, priant Dieu vouloir maintenir la grandeur de Sa Majesté en ung estat florissant et perdurable à l'advancement de la gloire de Dieu et du bien publycq.

[p. 61]

⁺Qu'il plaise à Sa Majesté avoir tousjours ses subjects en bonne et favorable recommandation, et en ce commencement, selon la béningnité de son naturel, comme père de patrie, user plustost de toute clémence, doulceur et débonnaireté vers eulx, que de rigeur, en quoy Sa Majesté ne satisfera pas seullement à l'espoir et attente dont chascun s'asseure de Sa Majesté, ains fera aussy de tant plus accroistre Sa Majesté en toute grandeur; voire avecq le temps parvenir à la dignité Impérialle, à quoy ses ancestres et prédécesseurs ont de si longtemps aspiré. Et fera par mesme moien florir son Royaulme en bon repos et tranquillité, et prieront grans et petits incessament pour l'estat et prospérité de Sa Majesté...

+ 1574. Septembre.