Archives ou correspondance inédite de la maison d'Orange-Nassau (première série). Tome V 1574-1577

* Lettre CDXCV.
Le Prince d'Orange au Comte Jean de Nassau. Il se prépare a résister aux efforts de l'ennemi.

Monsieur mon frère, je vous avoye escript le vii^e jour du moys présent une lettre⁽¹⁾ bien ample de toutes choses, de laquelle j'espère que par le moyen du maire de Lymbourch vous aurez receu le double; mays, selon que je suis seurement adverty, l'original est tombée entre les mains des ennemis, dont je suis bien marri, n'ayant la lettre escripte en cyffre, partie pour avoir esté si prolixe, partye pour que ne trouvions le ciffre que saviez trop propice. Je le ressens tellement pour le poinct contenu de l'entreprinse de Fernesum, laquelle par ce moyen aura este

(1) Lettre. La Lettre 492.

[p. 7]

⁺descouverte par delà, ne conten[an]t, au reste, la dicte lettre que les choses à nostre désadvantaige et dont l'ennemy se pourroit grandement prévaloir, si ce n'est qu'e[l]le chante des Rois de France et de Polongne et aussy du Prince de Condé. Par quoy, pour prévenir à toutes les ruses des ennemys, il sera bon que vous ordonnez de tout advis à me mander ce ou autres que trouverez convenir, afin qu'ilz n'adjoustent foy à ce que l'ennemi leur pourroit faire entendre plus de ce qui est contenu en la dicte lettre, faisant plustost samblant que j'ay escript telle chose de faict advisé, affin que l'ennemy, qui présumoit quelque intelligence entre le Roy de France et nous, fusse hors toute doubte. Au reste les affaires de deçà sont tousjours en mesme train, et sommes courageusement attendans ce que l'ennemy vouldra en ces cartiers attenter. Selon les advis que je reçois de tous costez, il faict estat de se jecter ès environs de Bommel ou de Gorichum. Je donne ordre à tout, le plus que je puis, et vous laisse penser si j'ay de la peyne, me trouvant ici tout seul sans secours d'homme vivant, et me samble encores que, pour une fois chasser les Espagnolz hors de ce Pays, le meilleur remède seroit de cercher tous moiens pour dresser une bonne et gaillarde armée par delà... Escript à Gorrichum, ce xxiij^e jour de May 1574.

Vostre¹ bien bon frère à vous faire service,

Guillaume de Nassau.

Quant à ce que m'avez escript du Conte de Hanau⁽¹⁾, je

+ 1574. Mai.

1 Vostre - service. Autographe.

(1) Conte de Hanau, - Lichtenberg; Philippe V, né en 1541, fils de Philippe IV (T. II. 498). C'est à lui, époux de l'héritière de Bitsch, et non Philippe-Louis I, à que le Prince avoit ‘tousjours eu bonne affection’ (T. III. 485). Le Comte Jean l'aura proposé ‘pour mener les troupes’ (T. IV. p. 391, sq.).

[p. 8]

⁺remectz a vous de prendre celuy-là ou aultre que trouverez convenir pour nostre secours. Je vous prie me donner quelque bon conseil sur ce que je pourray escripre à Madame ma mère, ne sachant si je luy doibs plaindre le dueil de mes frères, pour estre encoires ignorant de leur mort ou vie; [je ne] la vouldrois bonement contrister.

+ 1574. Mai.