Archives ou correspondance inédite de la maison d'Orange-Nassau (première série). Tome IV 1572-1574

[p. 368]

* Lettre CDLXXXIV.
⁺Le Prince d'Orange au Comte Louis de Nassau. Il s'apprête à le recevoir; avis touchant le passage des rivières.

Monsieur mon frère. Retournant ce jour d'huy de Delft, j'ay en ville de Dordrecht receu vostre lettre du xij^e du présent, et veu par icelle jusques à où vous estes arrivé. Il me desplaist d'avoir receu voz précédentes, assavoir celles du vij^e, si tard, pour estre bien mal possible d'assambler en telle haste les gens que je désire de envoyer pour vostre escorte. Et toutesfois j'espère que pour demain aurons quelques trente-cinc ou trente-sis Compaignies ensemble, et aussy quelque bon nombre de bateaulx.

....Et pour tant mieulx y donner ordre, je suis encoires ce jourd'huy venu en ceste ville. Par quoy je vous prie me mander au plustost où vous avez délibéré de passer la rivière, pour vous y aller recepvoir... Escript à Gorichum⁽¹⁾, ce xv^e jour d'Apvril 1574.

Quant à vostre passaige, ne sçay lieu plus sûr que les environs de Tiel à Wammelvert, Varyck, et l'entour, oires que vous puis asseurer que pour la cavallerie il

+ 1574. Avril.

(1) Gorichum. Le Prince se rendit de là à Bommel (voyez les deux Lettres suivantes); dans le voisinage des endroits où son frère s'étoit proposé de tenter le passage. ‘De Prince had alle syn kryghsvolck ende schepen vergadert, en was de Wale opgetrocken, tot boven de Bommelsche Weert tot Varick, alwaer hy het Kasteel van Wardenborgh innam ende verbrande.’ v. Meteren, 90b.

[p. 369]

⁺faict certes bien estroict, ce néanmoings, il [est] de nécessité faire vertu. Si cependant vous avez quelque aultre lieu, me le pourrez mander, ensemble ce que faict l'ennemy.

Vostre¹ bien bon frère à vous faire service,

Guillaume de Nassau.

A Monsieur,
Monsieur le Conte Louys de Nassau, mon bien bon frère.

+ 1574. Avril.

1 Vostre-service. Autographe.