Archives ou correspondance inédite de la maison d'Orange-Nassau (première série). Tome IV 1572-1574

Lettre CDLXXIX.
Le Comte de [Retz] au Comte Jean de Nassau. Il lui demande une entrevue et un sauf-conduit.

*_** Peu de temps après le Comte Jean de Nassau l'avertit d'embûches qu'on lui avoit dressées. ‘Marschalco de Retz redeunti in Galliam structae sunt insidiae inter Lutream et Sarbruck: sed praemonitus a Comite Joanne Nassavio evitavit eas, et incolumis in Metensem urbem pervenit.’ Ep. secr. I. P. 2. p. 15.

Monsieur. Je ne doubte point que vous ne soyez assez adverty de l'affection que j'ay au bien de toute vostre

[p. 353]

⁺Maison, ce que Monsieur de Schonberg, présent porteur, vous pourra tesmoigner encores davantaige, et vous fera entandre la charge que j'ay de ce Roy de Polloigne de vous veoir en passant, et résouldre avec vous touchant certains meubles que vous entendrez par le dict Sieur de Schonberg, de quoy, en attendant le bien de vous veoir, je vous ay bien voulu faire ce petit mot, et vous prier par mesme moyen me vouloir accorder et ordonner le passeport et sauf-conduict nécessaires sur les terres de messieurs voz nepveuz et cousins, pour pouvoir passer devers vous, moy et ma compagnye, d'environ deux cens chevaulx, sur ceste assurance. En attendant, après mes bien humbles recommandations à vostre bonne grâce, je supplie le Créateur vous donner en très bonne santé, Monseigneur, très longue et très heureuse vye. De Cracovye, ce 19 jour de mars 1574.

Vostre plus humble et plus affectionné à vous faire service,

[de Gondy] Conte de Ratz¹.

Monsieur,
Monsieur le Conte Jéhan de Nassan.

+ 1574. Mars.

1 Retz (Radesiarum comes).